JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kargu Xefia HNGV simu pose, KFP husu tenki servisu ho responsabilidade

Kargu Xefia HNGV simu pose, KFP husu tenki servisu ho responsabilidade

Kargu Xefia sira iha Hospital Nasional Guido Valadares (HNGV), iha Tersa (16/04), simu posse hodi jere servisu iha HNGV, li-liu atendimentu ba públiku.

Prezidente Komisaun Funsaun Publica (KFP), Faustino Cardoso,   husu ba  emposadu kargu Xefia sira iha HNGV,  atu hala’o servisu ho sentidu reponsabilidade no sentidu Estadu, nune’e bele hatan ba espetativa povu nian.

Faustino Cardoso haktuir, emposadu sira ne’ebé mak simu ona kargu Xefia hanesan Xefi departementu, no Xefi unidade, inklui Xefi gabineti sira, tenki servisu ho sentidu reponsavel, tanba atu responde ba espetativa povu nian, la’os titulo ba kargu maibé servisu.

“Eventu ida ohin ne’e, nu’udar prosesu de formalizasaun, ne’ebé mak hahú husi rekrutamentu, rezultadu ne’ebé mak  hahú husi fim de 2018 mai 2019 mak foin ita halo romalizasaun ba iha kargu Xefi sira  na’in 17, ne’ebé maioria feto. KFP nia prezensa iha ne’e atu sai hanesan testemuña, tanba ne’e liu husi biban ida ne’e lori KFP nia naran ha’u fó parabens no bom susesu, importante ne’e la’os titulo kargu, maibe importante mak tenki servisu ho sentidu responsabilidade no sentidu Estadu, hodi nune’e bele hatan ba espetativa povu nian, hodi servisu di’ak liu tan profesional liu tan”, relata Faustino Cardoso ba Jornalista sira hafoin fó tomada de posse ba pesoal saúde na’in 17, ne’ebé simu kargu hanesan Xefi departementu, Xefi unidade no Xefi gabineti iha HNGV.

Prezidente KFP ne’e haktuir, prosesu tomada de posse ne’e,  hanesan prosesu ida husi   prosesu sira seluk ne’ebé mak durante ne’e la’o tiha ona, ne’ebé la’os ba ikus ona, maibé sei iha tan, ho objetivu atu konsolida KFP  atu servisu ho di’ak no profesional liu tan, hodi hatan ba ezijensia méritu grasia ne’ebé mak iha.

Lee hotu :   ME kontinua distribui livru didátiku ba eskola ensinu báziku

Nune’e mós,   Vise Ministra Saúde Asuntu Kuidadu Saúde Primária, Elia António de Araújo dos Reis, esklarese, pesoal saúde sira ne’ebé mak  liu ona selesaun no hetan ona tomada de posse, labele tau an aas hanesan liu rai, maibé tenki tau aan hanesan ema ne’ebé mak servisu na’in, hodi fó atendimentu ne’ebé mak di’ak ba pasiente sira, tanba sira iha direitu atu hetan atendimentu ne’ebé mak di’ak no reponsavel.

“Ha’u iha esperansa bo’ot katak, imi nia kompromisiu, dedikasaun profesionalismu, nu’udar funsionáriu servidor, Estadu nian, no presta servisu tenki kaer metin prinsípiu no tenki tau as interese nasaun nian   as liu interese partikular nian hotu”, hateten Elia António de Araújo dos Reis.

Enkuantu Emposada, Lurdes Lay, hanesan Xefi Departementu Rehabilitasaun, Medika no Servisu Paliativu, promete sei servisu ho di’ak no responsavel tuir juramentu ne’ebé mak sira halo ona.

“Hanesan pesoal saúde ne’ebé mak ohin simu ona posse hanesan Xefi departementu rehabilitasaun, médika no servisu Paliativu, ha’u promete sei servisu ho di’ak no reponsavel, no sei tau aas interese nasaun nian ba interese privadu nian”, promete Lurdes Lay.

Total pesoal saúde sira ne’ebé mak simu kargu hanesan, Xefi departementu hamutuk na’in 17 mak hanesan, Xefi Departementu Pediátria, Xefe Gabineti Kontrolu Kualidade, Xefi Departementu Rehabilitasaun Médicu no Servisu Paliativo, Xefi Departementu Laboratorium no Banku de Sangue, Xefi Departementu Radiologia, Xefi Unidade Nutrisaun, Xefi Unidade Estatistika, Xefi Unidade   Finansas no seluk tan.ola

Add to Comments Here!!!!

error: Content is protected.
Secured By miniOrange
You might also like:
ANC husu TT, Telemor-Telkomcel dezliga númeru ne’ebé la rejista

Autoridade Nacional de Comunicações (ANC) husu...

Falur : F-FDTL infrenta problema lojístika

Instituisaun FALINTIL - Forsa Defeza Timor...

Tama lista remodelasaun, MOP Salvador Pires prontu simu desizaun PM Taur

Ministro das Obras Públicas (MOP), Salvador...

Close