JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atu hadook-an husi moras hada’et, Sara Xavier : Komunidade sira tenke garante hijiene

Atu hadook-an husi moras hada’et, Sara Xavier : Komunidade sira tenke garante hijiene

Xefi Gabineti Kontrolu Kualidade Hospital Nacional Guido Valadares (HNGV), Sara Maria Xavier, husu ba komunidade sira atu kuida sira-nia ambiente no garante hijiene iha moris loro-loron, atu nune’e bele hadook-an husi moras sira hanesan diarea, dengue no ispa.

“Atendementu iha sala departementu pediatria hahú husi fulan Janeiru to’o Outubru, tinan ne’e, moras diarea, bias respiratóriu (ispa-red) no kazu dengue, tanba kazu 3 ne’e mak durante ne’e ita nia médiku ho pesoal saúde sira rejistu, kauza husi moras refere, tanba dalabarak labarik sira ladun konsumu ai-han ne’ebé saudavel, ho nune’e fó impaktu ba sira-nia saúde, kazu bias respiratóriu ne’e relasaun ho istilu devida loro-loron nini’an, oinsa ita kuidadu ita nia ambiente, oinsa ita asegura katak ai-han sira ne’ebé ita konsumu ne’e kontein nutrisaun ne’ebé adekuadu, dalaruma fó impaktu ba ita atu hetan moras sira hanesan ne’e. Ho moras refere ha’u husu ba komunidade sira atu kuidadu nafatin sira nia saúde liu husi kuidadu sira nia ambiente ho hijene”, Xefi Gabineti Kontrolu Kualidade HNGV ne’e ba GMN iha ninia kna’ar fatin, HNGV, Díli, Kuarta (04-12-2019).

Nia esplika, kona-bá moras diarea ne’e hala’i liu ba hijiene pesoal, nune’e kuandu la kuidadu hijiene pesoal no ambiente molok han, hanesan la fase liman, ne’e sei sai fator ne’ebé kontribui hodi hamosu moras.

“La kuidadu hijene pesoal no nia ambiente molok atu han, la fase liman depois ba haris fatin ou sai mai la fase liman, ida ne’e mós fatores ne’ebé fó kontribuisaun hodi hetan moras, dalabarak labarik sira hola hahan arbiru iha dalan no la segura ninia hijene no lalar ba hobur, ida ne’e mós kauza labarik sira hetan moras sira ne’e”, tenik Sara.

Lee hotu :   Deskonfia Timor-oan balu hetan sintoma COVID-19 transfere ona ba HNGV

Xefi Gabineti Kontrolu Kualidade HNGV informa, moras dengue ne’e mós hala’i liu ba iha susuk, tanba relasaun ho la hamoos ambiente iha uma laran ne’ebé la moos no la saudavel.

“Prevensaun mak presiza hamoos ita nia uma laran no ambiente ne’ebé mak iha saudavel no karik iha kalen át ou sasan át iha uma, labele naran soe arbiru, presiza kee rai ou tau iha fatin lixu, ne’e apropriadu, atu nune’e labele hakiak fali susuk iha ita nia uma laran”, nia hateten.

Entretantu to’o agora HNGV seidauk bele fó dadus kona-bá ema mate ne’ebé impaktu husi moras diarea, ispa no dengue, tanba seidauk iha relatóriu. Eni

Add to Comments Here!!!!

error: Content is protected.
Secured By miniOrange
You might also like:
Kontra nafatin konstituisaun, Bankada Governu promete sei la defende OJE 2020

Bankada governu iha Parlamentu Nasionál (PN)...

Aurélio Guterres: Baze ekonomia TL la’os mina-rai

Koordenadór Jerál Institutu Estadu Diplomata, Aurélio...

Lere konsidera difisil evita krimi iha Timor-Leste

Xefe Estadu Maior Jeneral Falintil –...

Close