JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS hein PR promulga dokumentu legál autorizasaun kontrolu COVID-19

MS hein PR promulga dokumentu legál autorizasaun kontrolu COVID-19

Ministra Saúde, Odete Maria Freitas Belo, deklara, Ministériu Saúde (MS) halo ona esplikasaun ba Prezidente Repúblika (PR), Francisco Guterres Lú Olo, kona-ba dokumentu legál hodi autoriza MS halo kontrolu ba surtu COVID-19 iha Timor-Leste.

Dokumentu legál ne’e oras ne’e dadaun  iha ona meza Xefe Estadu no hein de’it promulga ka veta.

“Ministériu Saúde no ekipa ne’ebé mak durante tomak konta hela asuntu COVID-19 ni’an, ita-nia ekipa Sentru Integradu Jestaun Krize, iha oportunidade ne’e iha ajenda lubuk ida ne’ebé mak koalia, senor Prezidente hakarak rona husi Ministériu Saúde nia parte preparasaun ruma, problema ne’ebé mak ita enfrenta, bainhira Ministériu Saúde toma fali responsabilidade ba servisu hanesan Sentru Integradu Jestaun Krize ni’an”, dehan Ministra Saúde (MS) ne’e ba jornalista sira, Kinta (02/07/2020), iha Palasiu Prezidensial Nicolau Lobato, Bairo Píte, Díli.

Nia salienta, iha parte seluk ne’ebé mak importante liu hotu mak hakarak atu haree mos asuntu júridiku ruma, ne’ebé mak presizamente atu haree, tanba  iha Estadu Emerjénsia ne’e la kontinua, no remata ona Estadu Emerjénsia, maibe hatene katak nasaun viziñu sira kazu COVID-19 kontinua aumenta, entaun tenke toma atensaun.

“Asuntu sira hanesan ne’e ami diskuti hamutuk ona ho front médiku sira, ita-nia peritu sira  ne’ebé durante ne’e tur iha Jestaun Krize nian, hanoin presiza iha dokumentu legál ida, baze legál ida atu bele permite Ministériu Saúde halo kontrolu ba iha moras ne’e,  liu-liu hanesan atu limita ita bo’ot sira ami obriga uza máskara, ita bo’ot sira bele dehan ami la iha direitu atu la uza máskara, tanba kazu la iha, maibe ho dokumentu legais ne’ebé mak iha,  baze jurídiku ne’ebé mak iha Ministériu Saúde iha forsa atu bele hatete ba imi, ita bo’ot sira tenke mantein nafatin kuidadu tanba  virus ne’e sei iha hela ita nia leet”, hatutan Odete.

Lee hotu :   Xanana: Estudante sira so’e tempu barak liu ba halimar telefone

Governante ne’e fundamenta, sira nia parte   hanoin kedas ona servisu antisipasaun ne’e iha fulan Janeiru bainhira  rona kazu husi Organizasaun Mundial Saúde fó sai ba mundu katak  pandemia Global COVID-19, hodi halo asaun ruma hodi prevene.

“Agora asuntu importante ne’ebé ami tenke asumi mak koordenasaun ami nian tenke diak no maka’as liu tan, tanba ita tenke koordena ho Ministériu sira seluk. Ida ne’e la’os fasil, maibe ami sente katak Primeiru Ministru nia lideransa tomak, enkontru sira ne’ebé mak ami halo koordenasaun Ministériu Saúde no Ministériu sira seluk, ha’u hanoin katak ita bele atua situasaun sira iha Timor, tanba dekretu lei ne’ebé mak aprova iha Konsellu Ministru ita sei hetan promulgasaun husi Prezidente, tanba ne’e mak konvida ami mai para bele klarifika no justifika klareza ba Prezidente Repúblika para bele hetan promulgasaun”, tenik Odete.Oly

Add to Comments Here!!!!

error: Content is protected.
Secured By miniOrange
You might also like:
UNITAL abertura programa language center hodi fasilita estudante no dosente

Universidade Oriental Timor Lorosa'e (UNITAL), abertura...

Xina kontinua apoia ekipamentu protesaun COVID-19 ba MEJD

Repúblika Popular Xina liu husi nia...

KHUNTO la fasilita Timor-oan ba servisu iha Korea no Austrália

Sekretáriu Estadu Formasaun Profissionál no Empregu...

Close