JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Akadémiku: Fretilin viabiliza VIII Governu tenke iha plataforma foun ba área petróleu

Akadémiku: Fretilin viabiliza VIII Governu tenke iha plataforma foun ba área petróleu

Akademiku Camilo Ximenes, hateten, Oitavu Governu agora labele kontinua de’it programa saida mak Oitavu Governu uluk ne’ebé CNRT hola parte ba, maibe Governu agora ne’ebé viabiliza husi Fretilin, nune’e tenke iha plataforma foun, liu liu iha área petroleu.

“Ita presiza líder hanesan maun Xanana ne’ebé mak nakonu ho nasionalizmu, la hirus ba Governu ida ne’e, nem hirus ba Taur Matan Ruak, maibe nia dehan katak se Governu ida presiza tenke nia vizaun, liña orientasaun polítika iha ninia estratéjia, liu-liu parese nia atu dehan, estratéjia liu-liu kona-ba dada pipeline mai iha Timor-Leste, ha’u hanoin ideia ida hanesan ne’e, nu’udar akadémiku quer dizer que ha’u apoiu, ita apoiu la signifika katak ita deskorda ho hanoin seluk, maibe nu’udar governante presiza aprezenta líña orientasaun polítika, ne’ebé mak atu orienta ninia ministéiru sira, atu halo servisu tuir orientasaun polítika ne’e”, Camilo Ximenes ba GMN (14/09/2020), iha ninia kna’ar fatin Universidade Nasional Timor Lorosae (UNTL), CaiColi, Díli.

Nia afirma, bele sai dezafiu oinsa mak ema bele halo servisu ne’ebé diak, haree klaru que saida mak Xanana koalia ne’e, karik atu dehan realidade iha Oitavu Governu, parese hanoin katak sei nafatin mantein Oitavu Governu, Fretilin rasik la tama iha Oitavu Governu, entaun presiza iha vizaun no iha estratéjia foun, iha liña orientasaun.

“Ha’u hanoin ida ne’e mak nia tau kestaun uitoan, maibe hanoin ne’e diak presiza hadia, hanoin pozitivu ne’ebé mak inspira Oitavu Governu ne’ebé kontinua líder husi Taur Matan Ruak ne’e, presiza iha buat balun ne’ebé tenke hadia no tenke sosiedade hatene CNRT rasik mos tenke konvensidu kona-ba situasaun ida ne’e, tanba se lae sira tau kestaun duni katak Oitavu Governu ida agora ne’e kontinua fali Oitavu Governu ida uluk, Xanana rasik koalia presiza hatudu estratéjia no vizaun foun Oitavu Governu ida ne’e, saida mak agora dadaun sira iha, liu-liu relasaun hanesan mina, Fretilin ne’ebé tama viabiliza Governu ne’e presiza junta fila-fali estratéjia foun, liña orientasaun foun, karik presiza, hodi nune’e AMP ida uluk CNRT tama iha laran ne’e, tenke satisfias ho liña orientasaun foun ne’ebé Oitavu Governu agora dau-daun kontinua”, realsa Camilo.

Lee hotu :   Malnutrisaun iha Timor-Leste atinji 40%

Camilo fundamenta, to’o agora nia seidauk haree, asesu kona-ba ida ne’e, tanba ne’e mak karik presiza plataforma foun ida ne’ebé mak iha orientasaun foun para ema dehan loos duni Fretilin ne’ebé mak viabiliza governu ne’e nia planu ida extraordináriu.

“Tanba ha’u haree katak ita nia maun bo’ot Xanana preokupasaun ne’e, buat ida diak tebes hanesan ha’u temi nasionalista, tanba nia objetivu prinsipal ida mak hakarak mina ne’e mai Timor-Leste, presiza tenke iha plataforma ida que ema sira iha partidu ne’e asina hotu, para abanbainrua se mak manan ne’e laiha problema, maibe labele iha hanoin seluk mina ne’e nafatin ba Darwin, tenke dehan mina ne’e mai iha Timor-Leste, líder Xanana Gusmão ida ne’e quer dehan nia to’o ona iha ne’e, tanba partidu hotu ne’ebé hakarak manan ukun ho objetivu ida deit mina tenke mai Timor-Leste, ha’u hanoin ida ne’e fo ona resposta ne’ebé mak diak”, akresenta akadémiku ne’e.

Iha sorin seluk, Díretor Forum Organizasaun Naun Governamental Timor Leste (FONGTIL), Daniel Santos Carmo deklara, Govenru se deit nia baze fundamentu ne’e mak Planu Estratejiku Dezenvolvimentu Nasional (PEDN) 2011-2030, depende ba partidu ne’ebé kaer ukun oinsa mak iha planu estratéjiku denzevolvimentu nasional ne’e sira atu tau prioriedade iha ne’ebé.

Karik VIII Governu ida agora hakarak kontinua AMP ida lidera husi CNRT nia programa, reprezentante partidu ne’ebé antes ne’e hamutuk ho CNRT tenke halo deklarasaun ida katak sira mantein nafatin programa refere.

“Hakarak kontinua programa partidaria tolu uluk nia programa, entaun ida tenki halo deklarasaun, katak sira mantein programa ida ne’e, tanba liga iha ami nia komprimisiu liga ba ita nia realidade bele solusiona ita nia problema kiak iha ita nia rai laran, kestaun importante mak tenke halo deklarasaun,  Oitavu Governu se agora kontinua tenke oinsa mak dinamiza programa sira ne’ebé iha nia impaktu bele fó kontribuisaun direta bele solusiona ita-nia problema sosial ne’ebé iha ita nia rai laran, programa balun ne’ebé la relevante tenke hasai, maibé importante tenki halo deklarasaun ba públiku katak ami kontinua programa ida AMP uluk nian, tenke deklara tanba sa mak kontinua, dalaruma liga ho kestaun polítika”, tenik Daniel.

Lee hotu :   Estudante nain 3 to’o ona TL  Ida sei iha Bali

Tuir FONGTIL nia pontu de vista programa saida deit Governu bele halo, maibe tenke komplementa mak dokumentu importante planu estratéjiku 2011 to’o 2030 no mos programa dezenvolvimentu sustentavel ne’ebé ita nia Governu mos adopta, iha objetivu 17 ida ne’ebé mak importante liu. oly

Add to Comments Here!!!!

error: Content is protected.
Secured By miniOrange
You might also like:
PCIC identifika ona autór foto modelu satanás iha estatua Nossa Senhora Ramelau

Xefe Telemátika Polícia Científica De Investigação...

Santa Ana no São Joaquim modellu ba inan-aman atu eduka oan sira

Arsebispu Arkidioseze Metropolitana Díli, Dom Virgílio...

SEKoop sei fó formasaun kooperativa ba joven sira iha suku Metiaut

Sekretariu Estadu Kooperativa (SEKoop), Elizario Ferreira,...

Close