JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Francisco Miguel: Estudante Timor-oan 99% sei la kontinua estudu iha estranjeiru

Francisco Miguel: Estudante Timor-oan 99% sei la kontinua estudu iha estranjeiru

Reitor Universidade Nasional Timor Lorosa’e (UNTL), Francisco Miguel Martins, hatete estudante Timor-oan 99%  ne’ebé mak remata ona  estudu iha nível sekundária, sei la kontinua hala’o estudu iha estranjeiru, tanbá situasaun pandemia Covid-19 ne’ebé afeta iha mundu.

Maske ho situasaun COVID-19, halo estudante sira la kontinua iha estranjeiru, maibé governu fó ona oportunidade ba Timor-oan atu kontinua estudu iha Universidade Públika.

“99% Timor-oan sira sei konsentra hotu iha rai laran, sei la sai ba liur atu buka universidade sira iha nasaun seluk atu estuda hodi eleva sira nia kualidade akademika. UNTL nomós politeknika Betanu núdar alvu ba Timor-oan hotu-hotu atu tama iha ne’ebá, maibé kapasidade UNTL nian moós limita atu simu hotu-hotu husi 99% (50 e tal mil alunus), purizemplu finalista sira tama hotu iha UNTL ha’u hanoin susar oituan, seidauk tan sira ne’ebé tinan kotuk la liu sei kompete fila fali iha rejgime oportunidade”, Reitor UNTL, Francisco Miguel Martins, GMN Bebora Dili, Tersa (13/10/2020),

Nia dehan, UNTL núdar instituisaun akadémika tinan-tinan simu estudante foun tuir kapasidade espasu ne’ebé mak iha.

“Ha’u hanoin katak UNTL nia responsabilidade tuir nia espasu, tuir nia rekursus ne’ebé mak iha atu akomoda nesessidade ita nia joven sira ne’ebé atu eleva sira nia kualidade e prepara ba futuru nasaun nian hodi sai operador ba futuru dezenvolvimentu nasional ninian.

“Selesaun ba estudante foun tama UNTL nomós politeknika Betanu ne’e responsabiliza husi Ministériu Ensinu Superior. Númeru alunus ne’ebé mak atu tama UNTL ne’e tuir rekomendasaun husi UNTL haree ba espasu, haree ba fasilidade nomós tuir númeru professóres ne’ebé mak atu asegura ita nia estudante foun sira nomós ba sira ne’ebé antigu iha laran.”

Lee hotu :   Estudante asesu ba UNTL-IPB hamutuk 3.865

Miguel Martins esplika, estudante ne’ebé atu tama UNTL nain hira no politeknika Betano nain hira, ne’e responsabilidade governu nian, tanbá governu mak asesu ingresu ba instituisaun ensinu superior públiku iha rai laran.

“Governu hanoin oinsa atu muda ninia númeru sira ne’e, atu aumenta ka atu hamenus ka atu nafatin, ne’e depende ba governu, labele interven governu nia polítika atu akomoda ingresu ba asesu universidade públika hanesan UNTL no politeknika Betanu”haktuir reitor UNTL. Mar

Add to Comments Here!!!!

error: Content is protected.
Secured By miniOrange
You might also like:
Filomeno Paixão: Tenke iha estratéjia no prátika ba prevensaun Covid-19

Ministru Defeza no Seguransa (MDS), Filomeno...

MAP sei esforsu rezolve seguransa alimentar iha TL impaktu hosi Covid-19

Ministru Agrikultura no Peskas (MAP), Pedro...

Governo compromete-se a repatriar 73 estudantes de Israel

O Primeiro-Ministro, Taur Matan Ruak, comprometeu-se...

Close