JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Maske laiha transmisaun lokal COVID-19, Xanana Gusmão kontinua alerta ba povu tomak atu kuidadu-an

Maske laiha transmisaun lokal COVID-19, Xanana Gusmão kontinua alerta ba povu tomak atu kuidadu-an

Eis Prezidente Repúblika, Kay Rala Xanana Gusmão, hatete, maske konsidera Corona Virus Disease 2019 (COVID-19) iha Timor-Leste laiha, maibé nia kontinua alerta ba povu tomak atu kuidadu-an nafatin, nune’e labele iha transmisaun lokal.

Eis Prezidente Repúblika, Kay Rala Xanana Gusmão, hato’o lia hirak ne’e bainhira hala’o asaun karidade ba populasaun iha postu administrativu Lequidoe, munisípiu Aileu, Kinta (22/10/2020).

Líder karismátiku ne’e, hatete, objetivu husi ninia vizita ba komunidade sira ne’e atu sensibiliza komunidade sira relasiona ho perigu husi pandémia COVID-19. Xanana fo alerta tanba iha mundu coronavirus foun hamate ona ema rihun ba rihun. Tanba ne’e, Xanana husu ba populasaun sira atu halo tuir nafatin orientasaun sira husi autoridade kona-bá perigu COVID-19.

“Grasa Maromak no rai-lulik ita seidauk iha (COVID-19). Maibé joven sira ne’ebé kustuma ba to’o Díli fila-fali mai ita labele dehan katak ita sei la hetan, ida ne’e difísil. Difísil tanba iha Indonézia no Austrália mós iha, mundu tomak iha hotu. Ne’e duni aat liu mak iha fronteira, ha’u liu husi fronteira tomak ba fali oe-Cusse tomak ba para husu ba ita maluk sira ba halo bussines uitoan iha ne’ebá lori mos moras mai”, tenik Xanana.

Iha vizita ba Lequidoe ne’e Xanana mós kontinua sensibiliza ba populasaun sira medikamentu ba COVID-19 to’o oras ne’e laiha ni parte mós konsidera ho COVID-19 nia prezensa iha Timor-Leste halo Timor-Oan sira hatene hadomi malu.

“COVID-19 buat ida ne’ebé hamosu iha Timor-Oan sira-nia fuan, sira-nia laran buat murak ida mak domin no sentimentu lolo-liman. No ha’u komprende sira iha uitoan sira han bikan rua tolu haree ba iha sorin mesak mamuk ne’ebé sira kaer netik bikan ida lori netik ba iha ne’ebá, ida ne’e buat ida ne’ebé COVID-19 hamosu”, dehan Líder karismátiku ne’e.

Tuir dadus husi Ministériu Saúde dau-daun ne’e Timor-Leste rejista kazu ativu COVID-19 sidadaun Pakistaun ida. Pasiente COVID-19 ne’e oras ne’e dau-dauk iha hela sala izolamentu Vera Cruz, Díli no dau-daun ne’e ema na’in 298 mak hein hela rezultadu teste. oct

Lee hotu :   Kumpri períodu inkubasaun loron 14, Membru F-FDTL rua fila-fali ba uma

Add to Comments Here!!!!

error: Content is protected.
Secured By miniOrange
You might also like:
Prezensa padroeira iha IEC atu eduka estudante sira

Prezidente Ezekutivu Fundasaun Cristal, Agostinho dos...

DJE prontu sai empreza públika hodi jere orsamentu rasik

Diretór Jerál Estatístika, Elias dos Santos...

Governu sei muda uma-kain 200 iha aeroportu Nicolau Lobato

Prezidente Autoridade Munisípiu Díli (AMD), Gaspar...

Close