JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ho MS diskute stock out ai-moruk iha HNGV

PN ho MS diskute stock out ai-moruk iha HNGV

Parlamentu Nasionál (PN) liu hosi komisaun F ne’ebé trata asuntu saúde, halo audénsia ho Ministra Saúde (MS), Odete Maria Freitas Belo, hodi diskute kona-bá stock out ai-moruk iha SAMES no Hospital Nacional Guido Valadares (HNGV) ne’ebé la sufisiente atu atende pasiente sira, liu-liu ai-moruk ba moras fuan no hipertensaun.

“Osan atu sosa ai-moruk iha, maibé difikuldade iha prosesu, tanba nasaun balun sei taka hela nia aeroportu, relasiona ho surtu COVID-19, maibé ai-moruk balun prosesa hela, maske la barak liu hanesan prosesu anterior. Sira hosi komisaun F hetan karta hosi HNGV kona-bá preokupasaun ba ai-moruk nian, ne’ebé akontese stock out iha sira-nia fatin. Ai-moruk ba espesialista sira nian, ai-moruk hipertensaun no ai-moruk ba fuan nian no seluk tan. Tanba osan sira ne’ebé aloka ita sei halo prosesu kompras hela, ita tenke hein, tanba ai-moruk ne’e lori hosi ema nia rai mai, maibé iha Item balun ita mós bele sosa iha rai laran, maibé la barak, ho nia kuantidade ne’ebé natoon de’it, laiha sosa hanesan hakna’ok de’it, ida ne’e mak ita bele halo hodi hein prosesu ai-moruk to’o mai”, MS hato’o asuntu ne’e ba jornalista sira, hafoin marka audénsia ho Deputadu sira iha PN, Sesta (16/10/2020).

Nia dehan, prosesu la’o durante fulan rua to’o tolu, maibé iha situasaun COVID ne’e buat hotu muda, nasaun sira ne’ebé ita sosa lockdown, entaun ita tenke la’o tuir situasaun nasaun ne’e nian, maibé kuandu lockdown laiha espera katak ai-moruk sira ne’e to’o mai sedu.

”Maibé item ai-moruk balun to’o no halo ona distribuisaun, maibé dalaruma la to’o hela de’it no la sufisiente, tanba ita-nia pasiente mós barak, dalaruma ita-nia pasiente sira ne’ebé ba konsulta iha rai-liur fila mai simu ai-moruk iha ne’e, ne’e duni ita tenke sosa fali, tanba ai-moruk sira ne’e la disponivel iha ita-nia rai”, tenik Odete.

Nia subliña, ai-moruk báziku sira iha sentru saúde sira laiha problema, maibé problema mak iha ospitál boot ne’e. Maibé MS kontinua nafatin halo komunikasaun ho nasaun ne’ebé atu transfere ai-moruk mai.

Iha proposta Orsamentu Jerál Estadu (OJE) tinan 2020 ne’ebé aprovadu iha Parlamentu Nasionál, Ministériu Saúde propoin osan tokon USD 42 liu no iha fali proposta OJE 2021 ne’ebé foin aprezenta ba Parlamentu Nasionál, Ministériu Saúde propoin tokon USD 50. Say

Lee hotu :   Peste suína afrikana maka ataka fahi iha TL

Add to Comments Here!!!!

error: Content is protected.
Secured By miniOrange
You might also like:
Rede internet implika Timor-Leste adere ba ASEAN

Ministra Negósiu Estranjeiru no Kooperasaun (MNEK),...

PM Taur: Papél feto importante ba dezenvolvimentu nasionál

Organizasaun Nasaun Unidas (ONU), deklara loron...

Povu Lospalos husu polítiku sira lalika inventa istória, Xanana: Ha’u sai husi FRETILIN lidera funu ba libertasaun Timor-Leste

Povu sira husi Suku Mehara, Postu...

Close