JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun Pakistaun ida pozitivu COVID-19

Sidadaun Pakistaun ida pozitivu COVID-19

Koordenadór Jerál Corona Virus Disease 2019 (COVID-19) Interinu, Ministériu Saúde (MS), Nilton do Carmo da Silva, informa, iha loron 10, fulan Outubru, tinan 2020, Timor-Leste rejista tan kazu pozitivu COVID–19 foun ida (1), sidadaun husi nasaun Pakistaun ne’ebé ho idade 36 no agora dau-daun izola hela iha sala izolamentu Vera Cruz.

“Ami atu informa ba públiku katak, pasajeiru ne’ebé pozitivu viajen husi husi Pakistaun-Lahoro ba Dubai iha loron 25, fulan Setembru, tinan 2020, ho aviaun Emirates Airlines, husi Dubai iha loron 25, fulan Setembru, tinan 2020 to’o iha Kuala Lumpur (Malaysia) iha loron 26, fulan Setembru, tinan 2020, ho aviaun Emirates Airlines husi Kuala Lumpur (Malaysia) mai Timor-Leste iha loron 27, fulan Setembru, tinan 2020, ho aviaun Air Timor. Totál pasajeiru ne’ebé mai husi Malaysia ho aviaun Air Timor iha loron 27, fulan Setembru, tinan 2020, hamutuk pasajeiru 150”, Koordenadór Jerál COVID-19 Interinu hato’o informasaun ne’e liu husi konferénsia imprensa ne’ebé hala’o iha fatin izolamentu Vera Cruz, Sábadu (10-10-2020).

Nilton relata, sidadaun ne’e iha auto kuarentena iha Hotel Beach Garden, iha Sábadu (10/10) ne’e halo ona loron 13 no sira iha kuarentena hamutuk na’in 23, na’in 22 sei kontinua auto kuarentena, hodi repete teste fila-fali.

“Swab foti iha loron 6, fulan Outubru, tinan 2020, rezultadu pozitivu relata iha loron 9, fulan Outubru, tinan 2020 iha Hotel Beach Garden, nia mesak iha kuartu ida, nia close contact ida ho cleaner ne’ebé hamoos nia fatin”, tenik Koordenadór Jerál COVID-19 Interinu ne’e.

Nia akresenta, pasiente ne’e ho simtoma mear iha loron 3 to’o loron 4, fulan Outubru, tinan 2020, iha loron 8 to’o loron 9, fulan Outubru, tinan ne’e, isin-manas ho temperatura 37.4C no liu tiha oras haat koko fali temperatura sa’e ba 38.7C, diareia, muta no isin-kole.

Nune’e, ho evolusaun surtu COVID-19 iha mundu, Ministériu Saúde (MS) apela ba populasaun tomak atu labele pániku no mantein nafatin halo prevensaun ba COVID-19.

“Husu ba komunidade hotu atu labele pániku no mantein nafatin halo prevensaun ba Covid-19 liu husi uza máskara, kontinua halo distánsia fíziku, fase-liman bei-beik ho sabaun, evita halibur malu iha grupu ne’ebé envolve ema barak. Husu mós ba komunidade hamutuk ho autoridade lokál sira iha área fronteira atu kontrola komunidade sira ne’ebé tama ilegalmente husi rai ketan mai teritóriu Timor-Leste. Husu ba fasilidade públika sira hanesan merkadu, eskola no uma orasaun sira atu mantein nafatin medida preventiva ba COVID-19 nian iha serimónia ka rituál sira hotu”, tenik Nilton.

Tuir dadus jerál MS ni’an, husi totál kumulativu ezame laboratóriu hamutuk 8883, husi númeru ne’e 8653 mak negativu, ema iha kuarentena ka konfinamentu obrigatóriu 195, ema iha auto kuarentena 367, liu-liu iha Díli 230, iha munisípiu 3. Totál ema ne’ebé liu ona periódu kuarentena ka konfinamentu obrigatóriu hamutuk ema na’in 4916, Díli 4119 no munisípiu sira seluk. eni

Lee hotu :   PROFISSIONAL SAÚDE LA BELE HALIS BA POLITIKU SIRA

Add to Comments Here!!!!

error: Content is protected.
Secured By miniOrange
You might also like:
Ramos Horta: PR tenke neutru iha desizaun

Premiadu Nobel da Paz, José Manuel...

KM estende prazu entrega projetu estrada Díli-Manatuto ba Governu

Konsellu Ministru (KM) aprova projetu deliberasaun...

CNRT sei husu TR pronunsia legalidade OJE 2020

Vise Xefe bankada CNRT, Patrocínio Fernandes,...

Close