JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atu elimina TBC, FKD fasilita formasaun ba PPSF

Atu elimina TBC, FKD fasilita formasaun ba PPSF

Fundasaun Klibur Domin (FKD) kontinua fó formasaun ba Pesoál Promotór Saúde Familiár (PPSF) sira, hodi prepara-an ba implementasaun programa eliminasaun moras Tuberkulose (TBC) iha munisípiu Baucau.

Hafoin halo abertura ba programa eliminasaun moras TBC iha postu administrativu Baucau Villa, iha Segunda (23-11-2020), ekipa FKD kontinua kedas ho formasaun ba PPSF iha postu administrativu Laga, munisípiu Baucau.

Diretór Ezekutivu FKD, Joaquim Freitas Soares, hateten, PPSF mak sai hanesan liman-ain ba médiku no enfermeiru sira iha baze, hodi hasa’e komunidade nia koñesimentu kona-bá moras TBC.

“Ha’u kontente entre PPSF ne’e inan-feton barak loos, ne’e buat ida importante tebes, agradese ba autoridade lokál tanba hili inan-feton barak hodi sai servisu voluntáriu iha postu Laga, tanba sira mak loro-loron hela iha uma no tau-matan ba oan sira, sei implementa ho di’ak, depois de treinamentu ne’e pesoál saúde sira ne’e sei servisu tama sai aldeia ba povu sira, hodi tama kada uma-kain hodi identifika TBC”.

Diretór Ezekutivu FKD, hateten, FKD rasik iha ona fasilidade hanesan transporte, mákina hodi halo diagnosa, mákina hasa’i x-ray, inklui rekursu umanu ne’ebé sufisiente, hodi servisu hamtuk ho PPSF iha baze.

Enfermeriu Sentru Saúde Laga, Domingos de Fátima, agradese ba FKD nia prezensa, tanba ne’e apoiu servisu ekipa saúde halo diagnóstika ba moras TBC.

“Ami agradese ba Klibur Domin mai fó esperiénsia ba maluk PPSF no fó formasaun ba sira, para sira hatutan ba komunidade lala’ok kona-bá tratamentu Tuberkuloze, nune’e komunidade sira bele hakbesik-an ba fasilidade ne’ebé besik”.

PPSF postu administrativu Laga, Francisco Ximenes Perreira, kontente ho formasaun ne’e no hala’o servisu nu’udár PPSF, tanba hadi’a prestasaun saúde iha komunidade nia leet no hasa’e komunidade sira-nia koñesimentu.

Entretantu FKD nia programa eliminasaun moras TBC ne’e rasik, antes ne’e implementa ona iha munisípiu sira seluk hanesan Ermera, Liquiça no Bobonaro. ida

Lee hotu :   HNGV lamenta família mate isin balun impede prosesu autopsia

Add to Comments Here!!!!

error: Content is protected.
Secured By miniOrange
You might also like:
Aldemo Garcia: Timor-Leste nia demokrasia di’ak liu

Embaixadór Brazil iha Timor-Leste, Aldemo Garcia,...

Governu promove Lere ba Tenente Jenerál

Konsellu Ministru (KM) iha Kuarta (24/11/2020)...

MTK seidauk prontu fó deklarasaun kona-bá dentensaun ba jerente Telemor-Elite Computer

Ministru Transporte no Komunikasaun (MTK), José...

Close