JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ema ho défisiénsia 25% seidauk asesu ba edukasaun

Ema ho défisiénsia 25% seidauk asesu ba edukasaun

Diretór Ezekutivu Asosiasaun Defisiénsia Timor-Leste (ADTL), Cesário da Silva, relata, ema ho defisiénsia iha Timor-Leste kuaze rihun 20 resin mak seidauk asesu ba edukasaun, tanba imfraestrutura báziku sira iha setór edukasaun la dignu ba ema ho defisiénsia.

“Dezafiu boot ba ema ho defisiénsia asesu ba edukasaun, nune’e ita konsidera foin 25% ema ho defisiénsia asesu ba edukasaun. Barak liu dezafiu sira ne’e mak asesivilidade fízika iha eskola sira, manorin sira seidauk iha atu hanorin ema ho defisiénsia, fasilidade sira la adekuadu atu ema ho defisiénsia asesu ba edukasaun”, Diretór ADTL ne’e hafoin partisipa loron mundiál ba ema ho defisiénsia iha Centro Convenções de Díli (CCD), Kinta (03/12/2020).

Hatán ba preokupasaun ne’e, Vise Ministru Edukasaun Juventude no Desportu (MEJD), António Guterres, konfirma, preokupasaun sira ne’e parte ministériu enkamiña ona ba Governu, hodi diskute iha Konsellu Ministru (KM).

“Ministériu Edukasaun ami nia parte mak iha buat rua ohin ha’u hateten ne’e. Edukasaun formál no edukasaun naun formál i buat rua ne’e la’o no implementa dau-daun, só ke ita presiza liu mak atu ba oin, oinsa mak atu bele hametin liu tan, reforsa liu tan polítika ida ne’e para responde ba preokupasaun ne’e. Tanba ita lakohi husik ema ida ba kotuk, ita-nia konstituisaun fó garantia ba sidadaun hotu-hotu atu asesu ba edukasaun. Asuntu ida liga ho infraestrutura ne’e Obras Públika nian, maibé em termos Ministériu Edukasaun ita la haluha, presiza iha koordenasaun mós ho ministériu relevante sira para haree infraestrutura ida ne’ebé ke adekuadu ba sira atu asesu”, dehan Vise MEJD ne’e.

Nune’e mós, Governu liu husi Ministériu Obras Públika (MOP), semana hirak liu-ba aprova ona despaixu ministérial númeru 07/VIII/2020 kona-bá asesibilidade ba sidadaun ne’ebé ho kondisaun defisiénsia bele la’o iha edifísiu públiku no komersiál sira.

Dadus sensus 2015 kona-bá defisiénsia iha Timor-Leste hamutuk 38.118, kompostu husi defisiénsia matan 14.828, tilun, labele ko’alia 12.511, motora ka liman-ain-mamar 7.466 no defisiénsia psiko-sosiál ka moras mentál 3.313. san

Lee hotu :   Governo japonês inaugura novo edifício da Faculdade de Engenharia da UNTL

Add to Comments Here!!!!

error: Content is protected.
Secured By miniOrange
You might also like:
PDHJ sei submete auto notísia ba MP kona-bá kazu Lacluta

Relasiona ho aktu membru Polísia Nasionál...

PUDD ezije Governu halo Rapid Test Antibody ba komunidade

Xefe bankada PUDD, António de Sá...

Suspeitu asalta kareta espoza PM, Detein oras 72 hodi aprezenta ba TDD

Suspeitu na’in haat ne’ebé asalta kareta espoza...

Close