JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prevensaun COVID-19, PN ezije Governu kanaliza bee moos ba ospitál sira no fatin públiku

Prevensaun COVID-19, PN ezije Governu kanaliza bee moos ba ospitál sira no fatin públiku

Membru Parlamentu Nasionál (PN) ezije ba Governu atu kanaliza bee moos ba iha ospitál, sentru saúde no fatin públiku sira, hodi fasilita sidadaun sira fase liman bei-beik bazeia ba regra ne’ebé rekomenda hosi Organizasaun Mundiál Saúde (OMS) no Ministériu Saúde (MS).

Tanba tuir PN nia haree, Governu ezije sidadaun sira fase liman bei-beik, hodi prevene transmisaun COVID-19, maibé Governu la rezolve problema bee moos.

Sé sira (Governu) dehan osan laiha karik ne’e posivel, tanba ami hosi PN rasik halo audiénsia no diskute, iha OJE 2020 nian mós iha, inklui 2021 nia mós iha, maibé realidade sira la responde ida ne’e, ida ne’e hatudu ba ita katak Governu ida ne’e laiha kapasidade atu hadi’ak kestaun administrasaun públiku ne’ebé mak povu sei halerik”, deklara membru komisaun F ne’ebé trata ba asuntu saúde, sosiál, jéneru no veteranu, Maria Barreto “Gorumali”, ba GMN, Kinta (07/01/2021).

Deputada CNRT ne’e lamenta mós ospitál referénsia Baucau ne’ebé enfrenta hela falta bee moos kuaze fulan barak ona, maibé to’o ohin loron Governu liu hosi Servisu Agua no Saneamentu (SAS) seidauk rezolve problema refere.

 “Ami sempre tau kestaun ida ne’e ba iha Governu para tau asuntu ida ne’e ba iha prioridade, tanba ida ne’e sei implika ba ema nia saúde, liu-liu inan sira ne’ebé mak partu ne’e presiza tebes bee, faktu família tenke lalin bee rasik hodi hamoos-an, tanba hakarak saúdavel presiza tebes bee moos no hetan fornesimentu bee moos iha ospitál no sentru saúde no mós postu saúde sira”.

“Hanesan iha ospitál Baucau ne’e dirijente sira ko’alia liu mak bee moos bainhira fiskalizasaun komisaun F nian iha fatin ne’ebá sira-nia ekipamentu pompa bee nia ne’ebé aat, presiza de’it osan USD 200 atu halo manutensaun de’it to’o agora Governu la rezolve, aprovasaun osan ba manutensaun iha no ezekusaun OJE 2020 taka tan ona, maibé problema sira ne’e seidauk rezolve no sei nafatin de’it”, haktuir deputada CNRT ne’e.

Kestaun hanesan levanta mós hosi deputadu bankada FRETILIN, David Dias Ximenes “Mandati”, liu hosi plenária semana ne’e, kona-bá falta bee moos ne’ebé akontese iha fatin barak, inklui Díli laran.

“Bee moos iha Díli laran kontinua sai problema, karik bele ita tenke hanoin ona “diques de água’’ para konservatóriu nian, estudus ne’ebé iha nível internasionál katak, tinan hirak mai tan la’ós ona petroleum mak sai problema, maibé tarde ou lais, bee moos mak sai fali problema boot ba ita ema, ho tan ita-nia construções edifísio das coliñas nas encostas besik Díli nian, bele mós ameasa ba prezensa ka lençol de água, depois agora mós ema ida-idak fura bee, ida ne’e mós rizku ba ita”, afirma Mandati.

Proposta Orsamentu Jerál Estadu (OJE) tinan 2021, Ministru Obras Públikas, Salvadór Pires deklara, iha tinan 2021 ne’e, Governu sei rezolve problema bee moos iha estasaun bee kuaze 1700 no halo manutensaun ba estasaun bee moos no ekipamentu  distribui bee moos nian, inklui sei loke tan estasaun bee moos iha fatin ne’ebé seidauk iha. say

Lee hotu :   Sidadaun Indonézia pozitivu COVID-19 rekuperadu

Add to Comments Here!!!!

error: Content is protected.
Secured By miniOrange
You might also like:
PM Taur: Kuandu presiza sei halo remodelasaun Governu

Primeiru Ministru (PM), Taur Matan Ruak,...

AIFAESA sei investiga benefisiáriu aprezenta produtu a’at ba PN

AIFAESA sei halo investiga ba autor...

Sistema halakon naran, benefisiáriu Fomento II seidauk simu sesta bázika

Naran lakon iha Sistema, komunidade balun...

Close