JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Vasina sei fó prioridade uluk ba liña frente

Vasina sei fó prioridade uluk ba liña frente

Timor-Leste (TL) sei utiliza vasina AstraZeneca ho temperatura 2 to’o 8 grau Celsius, vasina refere sei prioridade liu ba ema hirak iha liña frente, liu-liu profisionál saúde, PNTL, F-FDTL inklui jornalista.

Diretora Jerál Prestasaun Saúde, Odete Viegas, dehan, Estadu ho Governu halo ona esforsu ho másimu oinsá atu bele prevene propagasaun ba COVID-19 iha TL, liu husi meiu ida ne’ebé agora dau-daun ema hotu hatene katak globalmente TL iha ona vasina ne’ebé mak atu introdús, tanba dau-dauk ne’e iha vasina 71 mak tama ona iha ensaiu pre-klíniku no iha mós vasina 171 ne’ebé tama mós iha ensaiu klíniku.

“Iha vasina tolu mak pre kualifikadu hanesan fizzer moderna no AstraZeneca, husi vasina tolu ne’e Governu liu husi MS halo ona esforsu atu oinsá atu bele hetan vasina ida ne’e AstraZeneca. Vasina ida ne’ebé mak aplikavel iha TL maka vasina AstraZeneca, vasina ida ne’e nia tama mós iha kritériu ida ne’ebé mak TL uza ba vasina rutina ba ema hotu uza ho temperatura 2 to’o 8 grau Celsius, vasina refere mak ita sei aplika ita-nia nasaun”, Diretora Jerál Prestasaun Saúde ne’e ba jornalista sira liu husi konferénsia imprensa hodi relata dadus pasiente pozitivu COVID-19 ne’ebé rekuperadu, iha sala integradu Ministériu Saúde (MS), Caicoli Díli, Tersa (12/01/2021).

Odete hatutan, vasina ida ne’e MS halo ona aprezentasaun iha Konsellu Ministru (KM) no hein implementasaun iha tempu badak. Tanba saída mak Governu hili vasina AstraZeneca, tanba bazeia ba primeiru temperatura, segundu ninia folin baratu no terseiru produsaun massal hala’o ona kuaze iha paíz 24 ne’ebé hahú ona atu aplika ba vasina ida ne’e no vasina ne’e rasik husi Oxford.

“Importante liu mak ita hetan ninia pre-kualifikasaun husi Organizasaun Mundiál Saúde (OMS), ida ne’e mak ita sei aplika, mezmu ita TL hanesan nasaun foun no nasaun ki’ik ita seidauk iha teste laboratóriu ba kualidade vasina ne’e rasik, tanba ne’e mak kritériu importante ida mak tenke hetan duni pre-kualifikasaun ba iha vasina ne’e rasik. Vasina refere nia seguru no kualidade ne’ebé di’ak hodi bele no proteje populasaun husi moras ne’ebé grave no mós bele too mate. Enkuantu kona-bá preparasaun MS hahú kedas iha fulan Fevereiru, tinan 2020, liu ba hetan prosesu lubuk ida to’o iha loron 7, fulan Dezembru, hetan aseitasaun no TL hetan hanesan membru ba iha mekanizmu ne’e rasik”.

“Agora MS sei estabelese ekipa rua, ekipa tack force ne’ebé mak interministeriál hetan despaixu husi Primeiru Ministru (PM) ne’ebé sei lidera rasik husi Vise Primeira Ministra no kompozisaun ministru lubuk ida mak sei tama iha ekipa ne’e no mós iha tan grupu tékniku ne’ebé duni husi MS ne’ebé sei lidera husi Diresaun Jerál Prestasaun Saúde no mós Institutu Saúde ne’ebé sei hola parte mak hanesan laboratóriu nasionál INS SAMES no Institutu Nasionál Saúde”.

Alende ne’e ema ne’ebé hola parte iha grupu tékniku ne’e mós PNTL no mós autoridade nasionál emerjénsia, protesaun sivíl, inklui fakuldade medisina no ikus liu servisu saúde munisípiu.

Tanba ne’e ho informasaun ne’ebé iha hakarak hato’o ba públiku katak, molok vasina ne’e hahú MS sei halo mós advokasia ba iha komunidade no kampaña mós karik provavelmente sei hahú iha fulan Maiu, tinan ne’e.

“Husi vasina ne’e ita sei la halo vasina ba ema hotu kedas, maibé ita sei hahú vasina husi 20%, husi 20% ne’e rasik ema ne’ebé sei hetan mak dahuluk mak profisionál saúde, PNTL, F-FDTL, tékniku saneamentu eletrisidade, inklui jornalista sira, ita sira ne’e sei tama iha liña frente ida ne’ebé mak sei hetan uluk vasina 20% ne’e, enkuantu iha faze daruak ho 80% ekipa sei hala’o oinsá mak atu haree ba númeru ne’ebé mak sei hola parte ba iha vasina refere”.

Diretora Jerál Prestasaun Saúde ne’e akresenta, sobre vasina ne’e rasik husi porsentu 20 Governu sei hetan free no porsentu 80 mak sei finansia husi Governu, Governu mós iha komitmentu oinsá mak atu hetan osan.

“Tanba ne’e husi esplikasaun 20% ne’e 3% sei fó ba liña frente, 5% ba ema hirak ne’ebé hetan moras hipertensão, diabetes, fuan no  moras kankru, nune’e mós iha tan persentajen seluk ho 80% ba ema hirak ne’ebé ho idade mais 70 no iha mós prioridade ba grupu ka sidadaun ho 4% hodi vasina. Enkuantu vasina ne’e rasik sei halo ba doze rua, halo vasina primeiru depois liu semana tolu foin aplika fali ba iha segundu faze”.

Tuir Odete, kona-bá kustu ba kompra vasina ne’e rasik orsamentu porsentu 20 Governu hetan apoiu husi Global Alliance Vaccine & Immunization International (GAVI), enkuantu husi porsentu 80 Governu TL mak sei prevé.

“Ita hotu hatene orsamentu COVID-19 iha MS ho por volta USD tokon 7, orsamentu refere karik bele hola parte no Governu mós sei haree ba ida ne’e, tanba osan ba COVID-19 ne’e rasik sei iha montante ida ne’ebé apropriadu, atu nune’e Governu sei deside orsamentu atu husi ida ne’e bele aloka ba restante 80% ne’e”. eni

Lee hotu :   MEJD konsidera Xanana Reading Room kontribui ba edukasaun TL

Add to Comments Here!!!!

error: Content is protected.
Secured By miniOrange
You might also like:
PTR: Partidu foun rua la prienxe rekezitu, seluk sei verifika

Prezidente Tribunál Rekursu (PTR), Deolindo dos...

COVID-19: Tolu rekuperadu, lima seidauk

Koordenadora Jerál Corona Virus Disease 2019...

MTK sei elabora dekretu lei regula rede internet externais iha TL

Ministru Transporte no Komunikasaun (MTK), José...

Close