JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu fiar rekomendasaun vasina COVID-19 husi UNICEF

Governu fiar rekomendasaun vasina COVID-19 husi UNICEF

Ministra Saúde (MS), Odete Maria Freitas Belo, deklara, maske Timor-Leste (TL) seidauk iha laboratóriu ba vasina, maibé MS garante liu hosi UNICEF bele asegura ninia kualidade no efikásia.

“Seidauk iha laboratóriu atu halo teste ba ai-moruk ida, sá tan atu teste vasina, tanba ita seidauk iha laboratóriu ba vasina. Tanba ne’e mak ita servisu hamutuk ho UNICEF, liu hosi procurement service, liu hosi UNICEF katak, vasina ne’ebé fó liu hosi UNICEF, sei asegura ninia kualidade, ninia efikásia no mós segura katak vasina ida ne’e, bainhira UNICEF fornese mai ita, hetan ona pre-kualifikasaun hosi OMS”, afirma MS ne’e iha plenária hodi responde deputadu sira nia pergunta, Tersa (16/02/2021).

Nia esplika, antes halo vasinasaun sei hahú ho advokásia, diseminasaun no mós sosializasaun ba komunidade no populasaun, atu nune’e sira bele komprende di’ak liu objetivu hosi vasinasaun ida ne’e.

“La’ós ida ne’e de’it, ita mós halo preparasaun ka armajen ba vasina ne’ebé mak mai ne’e no oinsa mós atu organiza, sé vasina ne’e ita hetan dalarua, inklui fó treinamentu ba pesoál saúde sira, para hatene oinsa bele halo jestaun ba vasina ne’ebé mak ita iha. Maske nune’e ba faze primeiru TL hetan 20% ba vasina kontra COVID-19 AstraZeneca ne’e, nune’e sei fó prioridade liu ba ema hirak ne’ebé servisu besik liu ema barak ka grupu boot. Relasiona ho vasina foun ne’ebé mak foin produz ho kuantidade ne’ebé mak menus, tanba ne’e Governu liu hosi Ministériu Saúde, servisu hamutuk ho OMS no mós ho ajénsia no doadór sira hotu ne’ebé mak apoia iha área saúde, ita hato’o ona proposta ba Covax Advance market Commitment ka COVAX Facility, ida ne’e hanesan mekanizmu ida, hodi simu doadór sira-nia apoiu ka osan, hodi sosa vasina no oferese gratuitamente ba nasaun sira ne’ebé iha baze dezenvolvimentu. TL mós asesu ba mekanizmu ida ne’e, liu hosi kompromísu Governu Austrália nian, ho montante orsamentu USD 80 milhões ba COVAX Facility, entaun USD 80 milhões ne’e la’ós ba Timor de’it, maibé ba nasaun hotu-hotu, liu-liu ba nasaun sira ne’ebé iha faze dezenvolvimentu, apoiu gratuita liu hosi COVAX Facility. No iha COVAX Facility ne’e iha mós GAVI, UNICEF ho OMS, sira define ona ba populasaun sira ne’ebé iha risku aas, para hetan vasina”, esplika Odete Belo.

Nia hatutan, COVAX Facility ne’e mós define ona ema ne’ebé iha risku aas hetan COVID-19 mak 20% hosi total populasaun.

“Ho nune’e Ministériu Saúde nia ekipa define 20% mak hanesan, 3% ba liña frente sira, hanesan pesoál saúde, ema sira ne’ebé mak servisu iha Alfándega, Imigrasaun, Polísia, profesós no área defeza nian. Inklui ema sira ne’ebé  servisu iha eletrisidade, bee-moos, bele mós ba Padre sira, ba ema sira ne’ebé mak besik liu ho grupu ne’ebé mak boot, 5% hosi populasaun sira ne’e ne’e mak bolu dehan Comorbidities katak, ema ne’ebé ho moras krónika hanesan diabétiku, moras kardiáku ruma, rins no moras seluk tan. 8% ba ema ne’ebé idozu sira, mais de 60 anos ba leten, 4% ne’e ba grupu seluk, hanesan ema sira ne’ebé hela iha fronteira hanesan Covalima, Maliana ho RAEOA. Hanesan iha Díli karik, ita tenke identifika komunidade ka populasaun ne’ebé mak vulnerável teb-tebes, karik iha uma laran ida bele akumula ema barak teb-tebes, liu hosi na’in 5 to’o 10, ida ne’e hamutuk hetan 20%”, haktuir MS ne’e.

Tanba ne’e nia dehan, porsentu 40 populasaun ne’ebé la asesu, Ministériu Saúde hamutuk ho OMS halo esforsu, tanba ema peritu sira hateten, pelumenus porsentu 70 hosi númeru populasaun iha nasaun ida tenke hetan vasinasaun, atu nune’e porsentu 70 ne’e bele fó protesaun ba sira seluk ne’ebé mak la hetan vasina.

“Atu hetan tan vasina, TL iha oportunidade rua, ida bele hetan asesu ba apoiu bilaterál hosi governu Austrália no rua TL bele mós  uza oportunidade ida ne’e, hodi mobiliza ninia rekursu, liu-liu ba iha rekursu finanseiru rasik, hodi bele sosa vasina ba nia komunidade ou ba ninia povu”, esplika Odete.

Liu hosi Konsellu Ministru (KM) Segunda (15/2) ne’e, aprova ona Projetu Rezolusaun kona-bá Planu Nasionál Vasinasaun Kontra COVID-19. say

Lee hotu :   PPN lamenta atitude profesór haruka estudante rei-malu ■ MEJD sei fó sansaun ba profesór

Add to Comments Here!!!!

error: Content is protected.
Secured By miniOrange
You might also like:
Lisun hapara distribuisaun sesta bázika

Jestór Lisun, Pascoal Suri Mali, deklara,...

SIJK sei aselera destakamentu unidade teritoriál

Diretór Ezekutivu Sentru Integradu Jestaun Krize...

MS hahú teste swab iha área fronteira

Koordenadór Pilár VII COVID-19, Nilton do...

Close