JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eskola São José foti valór ezame estudante hosi trabalho de casa

Eskola São José foti valór ezame estudante hosi trabalho de casa

Eskola Esternatu São José Has-Laran, fahe pontus trabalho de casa (TdC), ba estudante sira atu ba halo iha uma hafoin lori hatama iha eskola, nune’e profesór bele halo avaliasaun no foti valór ezame primeiru períodu nian hosi traballu refere.

“Estudante hahú laiha aula iha loron 8 fulan Marsu, tanba Governu tenke suspende atividade eskola tanba hare ba númeru covid númeru pasiente covid-19, ne’ebé sai makas, entaun durante ne’e estudande sira iha uma deit no ohin mak sira foin mai fali eskola”,dehan Diretora Eskola Esternato São José, Maria de Fatima da Conçeicão, ba JN-Díario, Segunda (19/04/2021) iha Manleuana Díli.

Diretora Eskola haktuir, hafoin enkontru entre Diretór sira ho Edukasaun Munisipiu Díli fó orientasaun katak, hare ba situasaun oinsa estudante sira nia aproveitamentu primeiru trimester, entaun atu hare estudante sira iha aproveitamentu kalae tenke hare mediante traballo ruma, nune’e bele halo avaliasaun ba estudante sira.

“Determinasaun hosi Edukasaun katak, professor sira tenke fó traballo de casa  ba estudante sira bazea ba materia ne’ebé estudante sira hetan,maske oituan maibé sira hetan ona iha fulan Janeiru Febreiru no ínisiu fulan Marsu. Ohin estudante sira mai atu simu traballo ne’ebé professor sira prepara” afirma Maria de Fatima.

Nia haktuir, bainhira estudante sira la halo traballo mak hosi eskola laiha nota atu fó ba estudante sira, entaun ho desizaun Ministériu nian atu fó traballo ba estudante sira hosi eskola mós hala’o ida ne’e, traballo de casa ne’e mós influensia ida ba atribuisaun valor ezame primeiru periodu nian.

Tanba ho situasaun COVID agora ne’e sei iha kalae, ezame ezame primeiru periodu nian sei laiha entaun traballo ne’e mós sai hanesan avaliasaun ida hodi fó valor ba estudante sira, maibé eskola ida-idak sei hare iha kalae oportunidade no possibilidade tanba labele halo avaliasaun ba estudante ida ho deit traballo.

Lee hotu :   Maske laiha transmisaun lokal COVID-19, Xanana Gusmão kontinua alerta ba povu tomak atu kuidadu-an

Supreintendente Edukasaun Munisipiu Díli,Vírgilio Freitas Cabral, afirma Ministériu Edukasaun fó orientasaun ba kada eskola atu halo rezumu ba materia, ne’ebé sei distribui ba estudante sira atu bele estuda iha uma, tanba agora dau-dauk tama ona faze ezame trimester primeiru.

“Liuhosi traballu bele ajuda estudante sira atu iha valor ba ezame primeiru periodu nian, entaun durante semana ida estudante sira sei halo traballo iha uma deit,depois mak lori mai hatama fila-fali iha eskola hodi halo koreksaun hafoin fó valor ba estudante sira”.dehan.

Tanba Timor-Leste agora iha hela situasaun pandemia halo Estadu emerjénsia serka sanitária halo Governu liuhosi Ministériu Edukasaun seidauk bele reativa eskola hanesan normal, ho nune’e edukasaun Munisipiu Díli fó orientasaun ba Diretor eskola sira atu halo rezumu hanesan traballo id aba estudante atu halo iha uma, haktuir Supreintendente.

Vírgilio esplika, orientasaun ne’ebé iha laos ba deit eskola Esternato São José, maibé ba mós eskola sira seluk tantu públiku no privada iha Munisipiu Díli no Munisipiu sira seluk, exepto Munisipiu tolu ne’ebé serka sanitária lao hela mak la konsege realiza ezame formal.

Estudante nono anu, Joséfina Cardoso Soares, hatete ho traballo ne’ebé eskola fó bele sukat estudante sira nia kapasidade to’o iha ne’ebé, tanba durante serka sanitária laiha prosesu aprendijajen nune’e halo estudante barak laiha vontade atu estuda.

“Hau sente kontente, tanba ohin ami bele mai foti pontus traballo hodi ba estuda iha uma tanba durante serka sanitária laiha atividade iha eskola halo ami iha uma deit, entaun ho traballo ne’e bele ajuda ona ami atu bele iha valor ba primeiru periodu”,afirma.  Eskola Esternatu São José Has-Laran, rejista estudante Pre-Primaria to’o Sekundario hamutuk 730.Fel

Add to Comments Here!!!!

error: Content is protected.
Secured By miniOrange
You might also like:
FONGTIL hakarak Xanana sensibiliza prevensaun COVID-19

Forum Organizasaun Naun Governamental Timor Leste...

PNTL ho F-FDTL atua estudante sira tanba la koopera

Polísia Nasionál Timor-Leste (PNTL)  ho FALINTIL-Forsa...

Bankada CNRT:Vasina AstraZeneca la seguru ba saúde

Deputadu bankada parlamentar no funsionáriu tomak...

Close