JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pasiente COVID-19 na’in ualu iha Vera Cruz, ida kondisaun grave

Pasiente COVID-19  na’in ualu iha Vera Cruz, ida kondisaun grave

Koordenadór Forsa-Tarefa ba Prevensaun no Mitigasaun Surtu COVID-19, Rui Maria de Araújo, hatete, iha sala izolamentu Vera Cruz iha kazu pozitivu na’in ualu,  husi numeru ne’e na’in haat iha área medisina interna, na’in haat seluk iha obstetrísia, no dadaun ne’e pasiente ida kondisaun grave.

“ Iha izolementu Vera Cruz iha kazu pozitivu nain 8. Ida grave, na’in 7 moderadu. Husi kazu pozitivu nain 8 ne’e, 4 iha area medisina interna, 4 seluk iha obstetrisia. 2.Kazugrave ne’ebé iha Vera Cruz, nafatin uza ventilador & aimoruk balun tuir protokolu ne’ebé Timor-Leste adopta. Ohin saturasaun oksijénio 96%, no estável,”Rui hato’o informasaun ne’e liu husi Zoom konferensia iha Sala Situasaun Jestaun Krize Kuarta (14-04-2021).

Rui esplika, kazu COVID-19 oras ne’e dadaun espaliha ona iha Munispiu 12,  asepto Munsipiu Manufahi maka seidauk rezista kazu ba covid-19, nune’e ema hotu tenki kuidadu no no halo tuir nafatin protokolu husi Ministériu Saúde no Organizasaun Mundial Saude (OMS)

“Ohin Iha Munisipiu Dili, iha loron  14 fulan Abril deteta kazu foun 17. Nune’e, kazu detetadu ka pozitivu iha Munisipiu Dili husi loron 7  Marsu 2021(loron ne’ebé hahú deteta kazu iha cluster BTN II, Terra Santa, Madohi), to’o ohin,14 fulan abril  ne’e hamutuk hotu 861. Nune’e iha Munisipiu Dili, hamutuk hotu, sei nafatin iha cluster 23,” tenik Rui.

Iha biban ne’e  Rui informa, hahú semana ida ne’e nia laran, ekipa konjunta saúde sei utiliza mós Antigen Swab Test hanesan instrumentu ida atu fasilita halo rastreiu ka screening ba Covid-19. Nafatin instrumentu atu define diagnóstiku finál ba Covid-19 maka RT-PCRtest, maibé Antigen Swab test sei utiliza hanesan rastreiu inisiál. Desizaun teknika ida ne’e, hala’o iha fulan Marsu 2021, no LNS halo hela preparativus atu hahú implementa.

Lee hotu :   Eskola São José foti valór ezame estudante hosi trabalho de casa

Dadus jeral Kazu foun 17, Kazu rekuperadu 14, kazu ativu 547, Husi total kazu detetadu foun kompostu husi  mane 10, feto 7, Husi total kazu detetadu foun  Sintmátiku 3, asintomátiku 14.eni

 

Add to Comments Here!!!!

error: Content is protected.
Secured By miniOrange
You might also like:
Komité 12 Novembru lamenta ho deklarasaun deputadu ‘Somotxo’ atu seguransa tiru manifestante

Membru Komité 12 Novermbru, lamenta tebes...

Xanana: Protokolu OMS mate ba COVID-19 bele hakoi tuir kultura

Reprezentante Organizasaun Mundiál Saúde (OMS), hasoru...

Desizaun entrega mate-isin Armindo Borges iha PM Taur nia liman

Polémika matebian Armindo Borges nian ne’ebé...

Close