JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Loron Internasional Direitu Umanu, PR atribui premiu Sergio Vieira de Mello ba ema nain nen

Loron Internasional Direitu Umanu, PR atribui premiu Sergio Vieira de Mello ba ema nain nen

Prezidenti Republika (PR), Francisco Guterres Lú Olo hateten, loron 10 fulan Dezenbru nudar loron importante tebes ba Mundu tomak hodi komemora loron Internasional ba Direitu Umanus.

Xefe Estadu Timor Leste koalia lia hirak nee iha ninia intervensaun iha komemorasaun Loron Internasional Direitu Umanu, Segunda (10/12) iha Palasio Prezidensial, Bairo Pite, Díli.

Ema numeru um RDTL nee konsidera komemorasaun Loron Direitu Umanu nee atu fó-hanoin ba malu katak ema hotu- hotu moris livre no hanesan, iha nia dignidade no mós iha nia direitu, nebe presiza defende no proteze.

 “Líder ka Governante hotu-hotu iha responsabilidade atu asegura igualdade ba sidadaun hotu-hotu, direitu ba moris ho dignidade, direitu atu hetan servisu no seguransa, direitu atu iha asesu ba saúde no ba edukasaun, respeitu ba diferensa no ba dignidade ema seluk nian,” hateten, Prezidenti Republika.

Prezidenti Repúblika aprofunda iha selebra tinan 70, ne’ebé Organizasaun Nasoins Unidas adota Deklarasaun Universál Direitu Umanu-nian hodi afirma ita-nia fiar iha direitus umanus, iha dignidade no mós iha valór umanu ema hotu-hotu-nian.

Xefe Estadu esplika, deklarasaun Universál Direitu Umanu-nian promove respeitu universál no tau matan ba direitu umanu no liberdades fundamentais ba ema hot-hotu,la haree ba ida-idak nia rasa, seksu, lian ka relijiaun.

Eis Prezidente Asembleia Konstitusional nee lembra katak Timor-Leste ohin hamrik nu’udar Estadu de Direitu Demokrátiku ida ne’ebé sidadaun sira-nia direitus hotu-hotu hetan protesaun jurídika no garante husi Estadu, liu husi Governu.

Prezidenti Republika mos haktuir, tinan ida ne’e selebra loron mundial ba direitus umanus hamutuk ho Provedoria dos Direitus Umanus no Justisa, instituisaun independente ida, ne’ebé nia objetivu mak proteje direitus umanus, hametin integridade no promove boa-governasaun iha Timor-Leste.

Lee hotu :   FRETILIN fó votu kontra ba matebian Gil Alves

Iha oportunidade ida ne’e, Xefe Estadu husu ba PDHJ  kontinua habelar koñesimentu jerál husi sidadaun hot-hotu kona-ba Deklarasaun Universál ba Direitus Umanus.

“Ha’u halo apelu ida ba PDHJ, hodi habelar koñesimentu jerál husi sidadaun hothotu kona-ba Deklarasaun Universál ba Direitus Umanus. Ho nune’e, sidadaun hothotu bele iha konxiénsia ba ida-idak-nia direitu rasik no mós katak iha instituisoens, hanesan PDHJ rasik, ne’ebé sira bele buka wainhira sira hetan violasaun ruma ba sira-nia direitu,” haktuir, Xefe Estadu Lú Olo.

Lu Olo afirma, labele hanoin de’it no selebra Direitu Umanu tinan ida dala ida, Governu no instituisoens relevantes tomak tenke buka nafatin atu adota polítikas públikas ne’ebé  promove no proteje direitu umanu.

Lider massimu nasaun nee konsidera kiak hanesan kauza no produtu husi violasaun direitus umanus, kiak mak problema boot liu no fatór determinante ba direitu umanu, tanba wa’inhira Timor Leste la hatún ki’ak, ita la garante direitu báziku sidadaun sira-nian.

Garante direitu baziku mak halakon diskriminasaun hasoru feto no grupu vulnerável hot-hotu, halakon violénsia doméstika, ne’ebé sei aas no prevene tráfiku oioin ne’ebé mosu dadauk iha Timor Leste.

PR Lú Olo atribui premiu ba ema nain 6

Iha komemorasaun loron Interansional Direitu Umanu nee, Prezidenti Repúblika Francisco Guterres Lú Olo atribui Prémiu Direitus Umanus Sérgio Vieira de Mello ba sidadaun na’in tolu no entidade tolu nebe inisiativa husi Ex-Prezidente Repúblika no Prémiu Nobel ba Paz, José Ramos-Horta.

“Ita hotu nia omenajem ba saudozu Sérgio Vieira de Mello, Diplomata husi ONU ne’ebé lidera Administrasaun ba Tranzisaun ONU-nian, iha Timor-Leste, hosi Novembru 1999 to’o Maiu 2002, Sérgio Vieira de Mello kaer kna’ar ida ne’e ho vizaun ne’ebé inovativu tebes,” haktuir Xefe Estadu.

Lee hotu :   Kuarentena iha Tasi-Tolu bele akumula ema 200

Lu Olo hatete maski tenke tuir regras no prosedimentus ONU-nian, Sérgio Vieira de Mello hatene kompreende kontextu Timor-Leste-nian no hatene respeita tradisaun funu nian no kombatente sira hotu.

Sérgio Vieira de Mello, nia karáter umanista, hamutuk ho nia kapasidade diálogu, talentu atu halo negosiasaun no nia defeza ba direitus umanus no valores demokrátikus sai hanesan ezemplu no inspirasaun ba ita hotu no ba mundu tomak.

Tanba ida ne’e duni, mak espesiál tebes ba Timoroan tomak, atu selebra tinan hitu-nulu Deklarasaun Universál ba Direitu Umanu.

Manan nain sira ne’e mak, Gracinda Assunção husi Tutuala, Mateus Xavier Mestre husi Nedere – Uatulari, Eugenio Lemos, sidadaun ida ne’ebé introduz konseitu permakultura iha Timor-Leste, Uniaun Nasionál Agrikultór Ermera (UNAER), Fundasaun Fórum Komunikasaun Oratóriu Don Bosco iha Dili, Fundasaun AHISAUN, tau matan  atu defende direitu ba ema ho defisiénsia.

Prémiu ne’ebé atribui reflete kompromisu, kriatividade, empeñu, dedikasaun, sakrifísiu, vizaun no persisténsia husi sidadaun sira, atu promove, defende no promulga Direitus Umanus iha Timor-Leste, ho sira-nia atividade loroloron nian. Eus

Add to Comments Here!!!!

error: Content is protected.
Secured By miniOrange
You might also like:
FRETILIN-PD preokupa orsamentu ba MAP

Deputado bankada FRETILIN no Partidu Demokratiku...

Tusan TL iha Óspital Dr. Soetomo USD 11.000

Ministériu Saúde (MS) rejeita hodi la...

Konfrontu iha Eskola 10 Dezembru, PNTL kaptura joven 13 ■Polísia rua ema tuda

Polísia Eskuadra Dom Aleixo kaptura joven...

Close