JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN kestiona ME la reativa kontratu ba funsionáriu 273

FRETILIN kestiona ME la reativa kontratu ba funsionáriu 273

Deputadu opozisaun FRETILIN, Ilda Maria iha Parlamentu Nasionál (PN), kestiona Ministériu edukasaun (ME), tanba la re-ativa kontratu ba funsionáriu kontratatu 273 ne’ebé sira-nia kontratu remata ona, maibé deside loke rekrutamentu foun ba públiku.

Ilda haktuir, funsionáriu kontratadu hirak ne’e, balun iha esperensia servisu iha ME durante tinan 10 ona, maibé Ministra Edukasaun lakohi atu utiliza ema sira ne’e nia esperiensia.

“Hasai 273 kontratadus,  atu rekruta fila-fali kontratadu foun, ne’e tanba saida?, sei balun kontratadu to’o kuaze tinan 10, balun tinan 15, hasai tiha sira, atu kontrata fali foun?. Sei nune’e, hasai labele kontrata fali balun, ita labele halimar ho ema nia vida, sira kontratadu, sira servisu fó han sira-nia família, fen no oan iha uma, hasai sira, depois ho situasaun atu ba buka tan servisu iha ne’ebé, hodi kontrata fali foun, ida ne’e labele. Ita Halimar liu ho ema ki’ik sira-nia sentimentu, sira funsionáriu nível 2 ninian”, kestiona Ilda Maria iha plenária, Tersa(28/05/2019) ne’e.

Deputada opozisaun ne’e sujere ba komisaun G asuntu edukasaun, bainhira iha audiensia ho Ministra Edukasaun karik,  bele husu klarifikasaun ne’ebé klaru ba razaun kontrata funsionáriu foun, duke re-ativa kontratu.

Alende ne’e, deputada CNRT, Carmelita Moniz afirma, termus kontratadu bazeia ba nessesidade ministériu ida-idak nian, bainhira laiha nessesidade obrigadu tenki para.

“Kontratadu bele iha kontratu ba fulan 3, fulan 6 no tinan 1 ou 2, bazeia ba nessesidade, maibé kuandu nia termus kontratu hotu, sei ministériu ne’e laiha tan neessesidade atu kontinua, ne’e obrigadu para, ne’e bazeia ba ministériu nian, Se ministériu ida nian mak presiza duni kontratadu ne’e ba longu prazu, seráke ita atu hela de’it sira hanesan ne’e ba longu prazu?. Ha’u konkorda ho ministériu balun ne’ebé halo tiha diagnostika loke konkursu, depois sira passa, sai ona funsionáriu públiku, nia bele iha ona garantia ba nia moris katak, nia funsionáriu públiku,  tanba ne’e ita tenki hatene termus kontratadu, funsionáriu kontratadu ne’e la’os permanente, obrigadu se se de’it tenki prega servisu ne’e ba  ema na’in”, subliña deputada CNRT ne’e.

Lee hotu :   Sosiedade sivíl aseita reativa GAM ■Presiza tetu vantajen no dezvantajen

Alende ne’e, Prezidente Komisaun G, ne’ebé haree asuntu edukasaun, Albina Marçal informa, iha semana ne’e komisaun G sei halo audiensia ho ministra edukasaun, hodi halo klarifikasaun ba deputada sira-nia preokupasaun ne’e.

Antes ne’e, konsege mosu dezentendementu, bainhira ministra edukasaun, Dulce Ximenes loke vaga ba públiku, no funsionáriu 273 ne’e halo greve hasoru desizaun ministra nian refere.say

Add to Comments Here!!!!

error: Content is protected.
Secured By miniOrange
You might also like:
Kontinua mosu krime, PN sei bolu MDS ho KomJer PNTL justifika

Komisaun 'B' Parlamentu Nasionál (PN) ne'ebé...

DIA 28/05/19 || GMNTV LIVE STREAM || JORNAL NASIONAL KALAN

DIA 29/05/19 || GMNTV LIVE STREAM || DADER KMANEK

Close