JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo konsidera importasaun hamout fundu mina-rai ■ Husu Timor-oan hotu kontribui ba estabilidade

PR Lú Olo  konsidera importasaun hamout fundu mina-rai  ■ Husu Timor-oan hotu kontribui ba estabilidade

Prezidente Repúblika (PR), Francisco Guterres ‘Lú-Olo’, konsidera, importasaun husi rai-liur hanesan osan sai husi tasi mane ba mout iha tasi feto.  Tanba ne’e Xefe Estadu apela ba governu atu insentiva produtor nasionál sira hodi hasa’e sira-nia produtividade nune’e bele hamenus importasaun aihan.

“Ha’u hakarak apela ba Governu atu hare oinsá insentiva liután produtor nasionál ki’ik sira atu hasa’e liután sira nia produtividade atu nune’e ita bele hamenus importasaun aihan husi rai liur,ita labele haluha katak, importasaun husi rai liur hanesan osan sai husi tasi mane ba mout iha tasi feto”, apela  Prezidente Repúblika Francisco Guterres Lú-Olo, iha nia diskursu Komemorasaun Loron Restaurasaun da Independensia 20 de Maiu ba dala 17 iha Palasiu Prezidensial Bairupite Segunda (20/05).

Lú Olo afirma iha tinan 2005 Timor-Leste hari’i Fundu Minarai, ema hotu hatene katak reseitas husi minarai mak kontribui ba kresimentu eknómiku Timor-Leste nian.

Tamba ne’e Prezidente Republika, husu ba Oitavu Governu Konstitusional ne’ebé lidera husi Primeiru Ministru,  Taur Matan Ruak, atu haree insentiva   produtor nasionál ki’ik sira atu hasa’e liu tán produtividade atu nune’e bele hamenus importasaun aihan husi rai liur.

“Iha tina 2005 ,ita hari’i Fundu Minarai ita hotu-hotu hatene katak,reseitas husi minarai mak kontribui liu ba kreximentu ekonómiku Timor-Leste nian, ita nia Orsamentu Jerál Estadu mós barak liu finansia husi Fundu Minarai, ita haluha tiha prinsípiu ida durante funu mak kuandu iha aihan barak labele han bo’ot liu para kabun labele bo’ot” ne’e katak, ita presiza matenek uza osan sira iha  Fundu Minarai ,wanhira la hatene uza maka osan husi rai seluk no nune’e ita sei rai tusan ba ita nia oan sira, tamba ita nia ekonómoa dependente maka’as ba Fundu Minarai”, dehan Prezidente Repúblika Francisco Guterres Lú-Olo.

Prezidente Repúblika Francisco Guterres Lú-Olo,apela ba Governu iha faze ezekusaun no preparasaun Orsamentu Jerál Estadu atu aseleira reformas sira ne’ebé bele hadiak no inpulsiona ekonomia nia kompetitividade no dudu potensiál kreximentu no kapasidade resposta ekonomia nian, bainhira hasoru problema bo’ot.

Lee hotu :   CVTL komemora loron primeiru sokoru ba dala 100 resin

Tuir Prezidente Repúblika Francisco Guterres Lú-Olo, Orsamentu Jerál Estadu mós barak liu finansia husi fundu minarai. Tanba nee , osan kuandu laiha ona tenke ba debe nasaun seluk nian nebe fó risku ba jerasaun sira tuir mai.

“Wainhira osan laiha ona ita ba debe osan husi rai seluk no nune’e ita sei rai tusan ba ita nia oan sira,tanba ita ekonomia depende makas liu ba ita nia Fundu Minarai,” dehan, PR Lú Olo.

Xefe Estadu lamenta liutan Timor Leste sedauk iha solusaun atu dudu kresimentu ekonomia nian tanba kontinua depende ba fundu minarai nian.

Ema numeru un iha Timor Leste ne’e fo hanoin ba Governu atu tau konseitu hodi reforma areas 3 ne’ebe ida iha ambiente jeral negosiu nian hodi fasilita kresimentu ekonomia komersial iha Timor Leste, Rua mak Merkadu Traballo no tolu mak tributaria ka impostu.

Nune’e, dezemvolvimentu ekonomia presija kuadru legal ida favoravel  hodi nune’e negosia komersiais Externas no Internasionais tanba ne’e nasaun tenke hala’o reforma lejislativa, judisiariu no institusional.

Husu Timor-oan hotu kontribui ba estabilidade

Prezidente Repúblika (PR), Francisco Guterres  ‘Lú Olo’, husu  Timor-oan hotu atu hametin estabilidade hodi  haburas  dezenvolvimentu ba nasaun Timor-Leste.

Iha selebrasaun loron  restaurasaun Indepedensia Timor-Leste 20 Maio,   ba dala 17,   hala’o  iha kampu futebol Postu Administrativu Aileu Villa Munisípiu Aileu.

Tema selebrasaun tinan loron restaurasaun independensia Timor-Leste  tinan 2017, mak  haforsa unidade no garante estabildiade,  hodi  atu hala’o dezenvolvimentu nasionál.

Secretário Estado de Terras e Propriedades Mário Ximenes, reprezenta  Prezidente Repúblika (PR) Francisco Guterres Lú Olo, hodi le’e hela PR Lú Olo ninia diskursu ba komunidade Munisípiu Aileu.

“Maluk sira komemorasaun tinan ida ne’e mak haforsa unidade  hodi garente estabilidade hodi hala’o dezenvolvimentu nasionál, hodi dezenvolvimentu mak  ita hetan dame, dezafiu ne’e ijize  unidade  ho pas no estabilidade  mak  ita bele hala’o dezenvolvimentu ida ne’ebé halibur, ema hotu bele la’o ba oin  ho susesu”,esplika Secretário Estado de Terras e Propriedades Mário Ximenes, ne’ebé mak le’e hela diskursu PR Lú Olo.

Lee hotu :   Xanana Gusmão: Harii uluk uma ba komunidade Beasu hafoin dada LNG

20 Maio akontese tanba Timor oan  hatene haburas konsiensia  nasionál hahú husi grupu nasionalista, ne’ebé mak Prezidente Nicolau Lobato lidera informalmente  molok rejimi salasar loron  25  fulan Abril 1974 iha Portugal.

Tuir Xefe Estadu, ohin loron empregu, eletrisidade be’e  mos  ka laiha asesu servisu saúde tratamentu mediku bele  sai fatór ne’ebé bele hamenus pas no sosial no estabilidade.

Problema sira ijize  dialógu, liu husi  nakloke  ho partisipasaun ativa sidadaun sira nian.

Ita nia ema rikusoin bo’ot liu iha Timor-Leste sei moris nafatin kiak no mukit”, mensazen PR Lú Olo .

Futuru  rai ida ne’e kompremetidu  ho labarik ho otas  la to’o 14% moris iha liña  probreza nia okos  produsaun ai han menus  taxa dezempregu sei a’as tebes  iha Timor-Leste.

“Ha’u rasik  koalia diversifikasaun  ekonomika  ida ne’ebé diversifikadu  ba Timor-Leste,  signifika depende ba agrikultura industria, kreativa, manufaktura, komunikasaun no teknolojia husi empreza sira ho eskala kiik ne’ebé mak sei dudu krisimentu. Haboot  oportunidade ba empregu no promove rikesa   diversifikasaun , ida ne’e mak sei resolve problema sira hanesan kiak no des igualdade”,mensazen PR Lú-Olo.

Ekonomia ida ne’e sei buras no sustentabel  no sei defende  ba be’e matan oin-oin, la’os de’t ba reseitas mina no gas.

Hahú kedas kriasaun mundu ne’e,  agrikultra sai fatór importante tebes iha komunidade .

Izemplu nasaun barak  hatudu ona setór agrikultura fó kontribuisaun ba krisimentu ekonomiku.

Agrikultura kontribui ba hamenus kiak no hamlaha iha nasaun barak  sai be’e matan ba setór sira seluk  no kontribui ba bioversidade  iha fatin-fatin, iha Timor-Leste.

“Liu husi 70%  ita nia populasaun  mak hela iha área rural mak kuazen 70% moris husi  halo to’os, halai natar no hakiak ikan no faan aifuan, maibe ita nia produsaun bah an  hemu seidauk orienta ba exportasaun, ha’u  halis liu ba politika  hasae investimentu iha area agrikultura. Tanba husi rai mak komunidade hetan rendimentu ba  familia sira nia moris loron-loron. Ha’u hakarak koalia liu kona-ba kafé ita nia produtu koñese iha mundu ho kualidade a’as”, mensazen PR Lú Olo.

Lee hotu :   Marí Alkatiri: Labele hakerek istória ulun tun-ain sa’e

Enkuantu  tuir dadus sensus 2014 uma kain rihun tolu nulu resin ualu mak produs kafé .

Ses husi  ne’e mós kada uma kain hetan dolar atus nen kada tinan husi fan kafé. Nune’e ba kada tinan uma kain rihun tolu nulu resin ualu hamutuk  hetan rendimentu total dolar tokon rua nulu resin rua  millions  husi fan kafé .

Dadus hatudu katak kada agrikultur produs kafe kilo hat loron ida, iha nasaun Kosta Rika, agrikultur ida produs kafé  kilograma 20 kada loron ida,  ne’e hatudu katak, ita nia produtividade sei kiik tebes  kontrariu ho nasaun seluk.

Sé  ita haburas industria kafé iha rai laran ninia kualidade no produtividade  ita sei hetan rendimentu a’as liu bebeik  husi merkadu internasionál

Universidade monas Australia  hatudu katak, sé  ita investe dolar tokon atus ida  lima nulu resin hat  iha kafé  ita sei loke oportunidade servisu hamutuk rihun hitu nulu resin hitu

Alende ne’e,  Administrador Munisípiu Aileu, João Tilman do Rego, konsidera komemorasaun loron independensia, hanesan loron nasionál. Tanba ne’e Timor oan hotu mak ténki valoriza.

“Molok  ita atu hetan independensia  ita nia familia  tomak no  ita nia lideransa balun lakon sira nia vida hodi sosa  ukun rasik a’an ida ne’e, no  ita ne’ebé mak sei moris fó valorizasaun  atu komemora dia nasionál sira iha tinan-tinan iha ita nia rai espesialmente iha Munisípiu Aileu”,dehan  João Tilman do Rego.

Entretantu partisipa iha seremonia isar bandera ne’e PNTL komunidade estudante no funsionáriu inklui Padre parokia  Igreja são Pedro Sao Paolo Aileu Villa. tos/eus/avi

Add to Comments Here!!!!

error: Content is protected.
Secured By miniOrange
You might also like:
DIA 20/05/19 || GMNTV LIVE STREAM || JORNAL NASIONAL KALAN

DIA 20/05/19 || GMNTV LIVE STREAM || JORNAL AS 12

DIA 21/05/19 || GMNTV LIVE STREAM || DADER KMANEK

Close