Riak Leman: Soe bebé hatún dignidade nasaun

Koordenador Komissaun  Instaladora, Vidal de Jesus Riak Leman apela  ba veteran sira hotu iha Timor laran tomak atu  eduka oan sira,  nune’e  bele minimiza polémika soe bebé, tanba  aktu ida ne’e  hatun dignidade nasaun.

“Ita-nia oan sira agora uza média social  ida ne’e mak estraga, hanesan iha Munisípiu Covalima haruka ona sira eskola ida Díli hela iha kos”, dehan Riak Leman ba GMN, Kuarta (21/8/19).

Tuir Riak Leman, kos laiha lei, hodi hamosu  problema bo’ot iha Díli laran, ema deskuñesidu soe bebé iha fatin balun.

Nia haktuir, eduksaun tenki mai husi inan aman sira, no  inan aman mak tenki kontrola oan sira ne’ebé hela iha kos.

Antes ne’e,  Prezidente Parlamentu Nasionál, Arão Nóe hatete, polémika kazu soe bebé ne’ebé kontinua mosu iha rai laran,  tanba laiha regras ne’ebé atu kontrolo joven sira no dala barak joven sira uza sala média sosial.

Durante ne’e kazu soe bebé akontese iha fatin barak iha Díli laran mak hanesan, Markoni, Tasi-tolu, Taibessi, Santa Cruz, Pantai Kelapa   Lahane  Osidental  no seluk tan.ety