JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kontinua akontese aktu kriminal, PN konsidera impaktu husi laiha servisu

Kontinua akontese aktu kriminal, PN konsidera impaktu husi laiha servisu

Reprezentante povu iha uma fukun Parlamentu Nasional (PN) konsidera, aktu joven sira kontinua hakanek no oho malu iha Díli laran no munisípiu, ne’e kauza husi laiha kampu de traballu ba sira, nune’e sira laiha aktividade nune’e halo sira mout ba aktu kriminal sira.

“Joven sira kontinua oho malu, tanba laiha kampu servisu ba joven sira atu servisu, tanba ne’e, ko’alia kona-bá paz no estabilidade, dezenvolvimentu ekonómia no kampu servisu ne’ebé dau-daun ne’e laiha, halo ema balun hamri’ik iha grupu hodi haki’ak grupu ida-idak la’o, uluk  eleisaun promete atu tau arte marsiais iha fatin atu bele kontrola, maibé ita bandu hamri’ik iha kotuk hodi dudu sira seluk, ida ne’e la justu ba Timor-Oan no ita la dezenvolve sidadania”, deputadu husi bankada PD, Mariano Assanami Sabino ba jornalista sira iha PN, Segunda (23-09-2019).

Nia esplika, atu dezenvolve sidadania hanesan ema ne’ebé hamoos sidade Díli no agrikultor sira merese hetan direitu iha ospital no iha edukasaun, ida ne’e mak sidadania, tanba sidadaun hotu-hotu iha direitu hanesan.

“Liafuan exlensia ba deit deputadu, Ministru, PR no PM, di’ak liu halakon iha ita nia kultura, ita luta ba dignidade hanesan, sai deputadu ka Ministru hanesan servisu ida ne’ebé hetan atendimentu ne’ebé di’ak, maibé povu la’e, ita laiha dezenvolvimentu sidadania no la preokupa ho joven ne’ebé la iha servisu”, afirma Assanami.

Husi sorin seluk, Vise Prezidenti PN, Luis Roberto reforsa, joven sira kontinua hakanek no oho malu ne’e la’os tan buat seluk, maibé laiha kampu servisu ba joven sira atu servisu, nune’e governu tenki halo jestaun di’ak kria kampu de traballu.

Lee hotu :   Lampu Painel Solar mate tanba batria ladiak no fiu a’at

“Joven sira kontinua hakanek no oho malu iha Díli laran, la’os tan buat seluk, maibé laiha kampu servisu ba joven sira atu servisu, tanba ne’e, husu ba governu tenki halo jestaun ho di’ak, kria kampu de traballu, nune’e joven sira bele partisipa iha dezenvolvimentu, tanba ko’alia kona-bá arte marsiais governu seidauk iha inisiativa atu reativu, tanba bazeia ba rezolusaun governu númeru  5/2017  taka ona arte marsiais, sé bainhira Estadu hanoin arte marsiais sai obstákulu boot ba nasaun, governu tenki kria estabilidade, husu ba autoridade seguransa atu servisu ho professional, hodi bele atua situasaun ne’ebé akontese  no governu tenki kria kondisaun, atu nune’e ba futuru bele evita violensia iha ita nia rai, la’os arte marsiais mak sai fali autor violensia iha TL”, hakotu Luis.

Antes ne’e partidu polítiku sira promete iha kampañia eleitoral katak, wainhira ukun sei reativa fali grupu arte marsiais 3, hanesan Persaudaraan Setia Hati Terate (PSHT), Ikatan Keluarga Silat (IKS) “Kera Sakti” no Kmanek Oan Rai Klaran (KORK, maibé realidade governasaun AMP ukun besik tinan 2 ona, maibé to’o agora seidauk realiza promesa ne’ebé sira hato’o iha tempu kampaña. ety

Add to Comments Here!!!!

error: Content is protected.
Secured By miniOrange
You might also like:
Disputa rai iha Kaitehu, Advogadu ME aseita MJ bongkar mafia

Advogadu Privadu husi Marino Enterprise (ME),...

PM Taur hato’o sentidu kondelénsia ba família kongregasaun Saleziana

Primeiru Ministru Taur Matan Ruak, hato’o ...

PN husu PNTL investiga estudante ne’ebé halo agresaun hasoru Nina

Deputadu bankada Partidu Demokratiku ( PD...

Close