JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kliente W Four reklama sosa na’an kontaminadu ho ular

Kliente W Four reklama sosa na’an kontaminadu ho ular

Kliente Supermerkadu W Four, ne’ebé lakohi publika sai nia naran ba públiku, reklama via telefone ba jornalista GMN katak,    loja W Four lagarante seguransa alimentar no la garante satisfasaun ba nia kliente. Tanba nia ba sosa na’an manu lokal iha loja refere ho kondisaun ular ona.

Kliente ne’e haktuir, iha fin de semana foin lalais ne’e, nia parte sosa na’an manu lokál iha loja W Four, maibe bainhira to’o uma haree, na’an refere nakonu ho ular. Tanba ne’e, kliente refere lori hikas ba loja refere devolve hikas nia osan.

Kliente ne’e haktuir, iha momentu nia parte husu devolve nia osan, cashier husu hikas kliente refere atu labele hato’o keixa ba parte AIFAESA, ba aktu ka sala ne’ebé loja refere kométe.

Informasaun ne’e mós, kliente ne’e rasik publika ona iha média sosial, no iha mós utilizadór média sosial seluk mós reklama asuntu ne’ebé hanesan, tanba loja refere fa’an sasán balun ne’ebé ho nia válidasaun liu prazu ona.

“Ami hamonu sira kona-bá saída nian, ne’e kala loos duni mak cashier ba fó fali ami nia osan ne’e. Tanba ami ba ne’e, fó manu ne’e ba, cashier fó fila kedas ha’u nia osan, buat ne’e aat mak sira fó fali ha’u nia osan ne’e, depois husu tan deskulpa, ne’e bukti  iha hotu, to’o mai ha’u haree ular iha laran, ha’u haruka ha’u nia alin ne’e lori kedan ba fó iha cashier, depois sira fó fila ha’u nia osan USD 6 dollar. Ami nia uma besik kedas loja ne’e, lato’o 10 menit ami lori kedas na’an ne’e ba, depois hatudu nota sira, depois sira fó fali ami nia osan”, haktuir kliente ne’e via telemóvel ba GMN, Tersa (19/11/2019).

Lee hotu :   PN husu MS kontrola aimoruk herbal fa’an online

Kliente ne’e afirma, durante nia parte sosa bebeik sasán iha loja refere, maibe foin dahuluk nian, nia parte hasoru sasán ho kondisaun ladi’ak.

“ Iha momentu ne’e AIFAESA la bá kedas, maibé liu tiha loron hirak mak bá, hafoin haree informasaun iha média sosial,  ne’e sira (loja na’in) bele subar ka so’e tiha buat ne’e, para labele ka’er toman. Penjualan ne’e sempre hanesan ne’e, dalaruma sira dehan ami mak sala, ne’e sira bosok, tanba liu tiha loron 2 ne’e sira tau fali de’it na’an di’ak ona, aat ne’e hasai hotu ona, depois kleur sira bele hasai fali foun, ne’e mak loja sira-nia permainan, ”dehan kliente ne’e.

Hatán ba reklamasaun hirak ne’e, menejer loja W Four Timor Plaza, Avelino Tilman Soares justifika no rekoñese katak, kliente refere sosa duni na’an iha loja W Four, no nia cashier husu de’it deskulpa, maibé la’os bandu nia kliente atu hato’o keixa ba parte kompetente sira.

 Responsável ba loja W Four ne’e mós argumenta katak, informasaun ne’ebé espalla iha média sosial balun laloos, tanba nia parte ho nia traballadór sempre kontrola sasán sira ne’ebé besik prazu ona.

Maske nune’e nia parte rekoñese katak, na’an ne’ebé lori fila iha ona ular, maibé nia parte konsidera bele mosu manipulasaun.

“Ami hanesan na’in ba loja, ami lakohi hatán iha média sosial, maibe ami hakarak hatudu duni ba kustomer sira, saída mak akontese ne’e laloos. Ami rekoñese ami nia kliente ne’e mai hola duni na’an iha ami nia fatin, mais ou menus meudia tuku 2, maibé to’o tuku 4 lorokraik, nia lori  fila-fali mai, dehan na’an ne’e iha ular, depois ami simu duni, no ami fó fila-fali ami nia kliente nia osan, ami husu deskulpa ba kualker kliente,  bainhira ami sala, ami husu deskulpa, maib’e ami ko’alia didi’ak, maibé ami nunka husu ba kliente labele kesar, bainhira ami halo sala. Fulan rua tolu AIFAESA halo kontrola, ha’u rasik diretamente ko’alia ona hp AIFAESA, sei bele kada semana ka fulan mai kontrola, tanba ami senti dehan ami-nia sasán ne’e garante duni ba kliente sira. Ami-nia na’an ne’e fresh, tanba lor-loron 11 oras, ami-nia sasán malirin ne’e tama, inklui na’an manu ne’e. Ami nia kliente hola ne’e, mai entrega fali, kalan ne’e kedas ha’u loke fali ida, tanba nia mai kaisa ida, kuandu ida aat, konserteza hotu-hotu aat, tanba ne’e mak ami loke ida, hasai tau iha liur, hodi koko duni na’an ne’e aat ka la’e, maibé ami habai iha liur mós na’an ne’e la iis. Ha’u labele dehan informasaun ne’e la loos, tanba nia lori ona ba uma, nia bele halo seguru hanesan ami halo ne’e kala’e, ha’u labele dehan sira atu halo nusa ha’u lahatene, maibé ha’u rekoñese sira lori fila na’an ne’e iha ona ular”, klarifika Avelino Soares.

Lee hotu :   Autoridade Lokal Comoro preokupa, Komunidade na’in 12 hetan moras -HIV /SIDA

Aleinde ne’e, koodernadór jerál AIFAESA, Abilio Sereno hatete, parte AIFAESA tu’un ona ba fatin refere, maibé la detekta sasán sira ne’e, maibé sei kontinua halo inspesaun, bainhira detekta, loja na’in tenke multa tuir lei ne’ebé vigora ona.say

Add to Comments Here!!!!

error: Content is protected.
Secured By miniOrange
You might also like:
Xanana Gusmão simu titulu doutor honoris causa

Universidade Cambodia, Kuarta (20/11), sei organiza...

Governu troka diretór sira arbiru halo Administrasaun Públika lao “rungu-ranga”

Ministru sira iha Oitavu Governu Konstitusional...

ADF hakotu iis iha YQ Hotel área Golgota

Sidadaun    ida ho  husi munisípiu...

Close