Komunidade Lelalai husu MP prosesa kazu asaltu husi Waibobo

Porta voz juventude Suku Lelalai, Denis Crispin Gusmão,  husu Ministériu Públiku (MP)  atu prosesa  lalais kazu asaltu  husi komunidade Suku Waibobo, Postu Administrativu Ossu, munisípiu Viqueque, hasoru komunidade Suku Lelalai.

Tuir   Denis Crispin Gusmão, kazu ne’e akontese  iha loron 31 fulan  Outobru tinan ne’e. Tanba ne’e  porta voz ne’e husu ba ministériu justisa, ministériu Estatal no Polísia Nasionál Timor-Leste ho orgaun kmpetente atu aselera lalais kazu ne’e ba oin.

“Kazu  asaltu  husi Suku abitante balun husi  Waibobo, ne’ebé mak estraga  uma no kios iida, tuda kanek  abitante ida ida, no  naok sasan kios  no motorizada ida, ida   ne’e hahalok kontra  lei, tanba  ne’e ami husu   ministériu públiku munísipiu Baukau, atu prosesa lalais kazu ne’e”,esplika Porta voz juventude Suku Lelalai, Denis Crispin Gusmão, liu husi konferénsia imprensa  Domingu (17/11//19), iha Tasitolu Díli.

Denis akresenta,   komunidade Suku Lelalai la simu  eziijensia husi Suku Waibobo  area Darabatabere partensia  ba Suku Waibobo nian  bazeia ba sira-nia karta  ne’ebé  mak hato’o husi lider komunitária Waibobo iha loron 23 fulan Outubru tinan ne’e, tanba rai  Darabatabere partensia ba  Dauadaduka  Suku Lelalai husi kedas tempu Beiala nian.

“Ami la simu Suku Waibobo atu kuda aihoris iha Suku Lelalai nia tos  husi área Darabatabere  ba to’o Eubu’u bazeia ba karta  ne’ebé mak  lideransa komunitaria  haruka iha loron 23  fulan putobru tinan ne’e”,dehan Denis Crispin Gusmão

Nune’e mós komunidade Lelalai  rekoñese area Darabatabere, Waililiku   no Eubu’u   husi Aldeia  Daudaca tama   ba área   baliza   hos Suku  Waibobobo  nian, tanba  área  hirak ne’e  partensia  ba Suku   Lelalai  durante tempu   beila nian.

 “Ami husu  ba  ministériu justisa no terras Propriedade  atu define  lalais   baliza   entre Suku  Lelais  no Suku Waibobobo, tanba  depois  ukun  a’an  mai too  ohin loron  sempre iha asaltu  no impedementu   husi Suku  Waibobo kona-bá konstrusaun   sede Suku, postu saúde, igreja no uma privadu   ne’ebé  komunidade Suku  Lelalai halo iha  área Ebu’u  no area Darabatabere  hahú  husi tinan  2002  to’o tinan ne’e”,dehan Denis Denis Crispin Gusmão.

Nia akresenta,  definisaun baliza  Suku Lelalai  no Waibobo  sei sai núdar  pasu  importante   ida atu  harii dame   no páz  ba komunidade  Suku rua refere.  Baliza la klaru  konflitu  sei mosu bebeik  tanba  Suku Waibobo  sei asalta bebeik   komunidade Suku Lelalai.

“Komunidade Lelalai laiha intensaun  atu estraga estabilidade  entre Suku Lelalai ho Suku Waibobo, maibé karik  komunidade Waibobo nafatin  halo ameasa  no asaltu , ami sei halo auto defeza   defende  ami nia a’an”,dehan Denis Crispin Gusmão .

Alende ne’e, baliza entre Suku Lelalai mak hanesan   Laisorolai de simi   no de Baisu,, Baduho, Venilale,  Malaku  Gariwai no  Samalari.avi