Obbie Messakh ho Cristine Panjaitan sei “doko” kapital Díli

Artista lejendáriu Indonézia, Obbie Messakh no Cristinne Panjaitan sei  doko (harame) kapital Díli ho múzika dangdut no pop.

Obbie Messakh no Cristinne Panjaitan to’o ona iha Díli iha loron (28/11), ho Aviaun Citilink.

“Iha Sabadu loron 30/11,  kantor  legendáriu Indonézia nain rua, Obbie Messakh  no Cristine Panjaitan hamutuk ho kantor Timor-Leste sei halo konsertu hodi anima komunidade kapital Díli iha tuku 19:00 Otl, iha edifísiu Sekretáriu Estadu Juventude no Desportu, tanba ne’e husu ba komunidade sira atu partisipa iha eventu ne’e, tanba eventu ne’e  komemora mós loron proklamasaun independensia Timor-Leste ba dala 44”, hatete Prezidente Asosiasaun Komersial da Komunidade Xineza Timor-oan Katlheen Gonçalves ba GMN iha Aerportu Nicolaun Lobatu Díli Kinta (28/11).

Katlheen haktuir, eventu ne’e realiza tanba hetan apoiu fundus husi Governu no Emprezariu sira, no artista Indonézia na’in rua ne’e sei hela iha Díli durante loron 4, hahú loron 28 fulan Novembru to’o 01 Dezembru tinan ne’e.

Iha fatin hanesan, artista legendáriu Indenézia, Obbie Messakh ho Cristine Panjaitan sente kontenti, tanba bele hetan konvite ba dala rua ona atu kanta iha Timor-Leste, no sei kontente liu tan bainhira hetan kolega kantor sira husi Timor-Leste.

Kantor nain rua ne’e sei kanta múzika dangdut no pop ho kantor Timor-oan sira, no kantor nain rua ne’e hela iha Timor durante loron hat.aba