SEFOPE fo ezame abilidade ba kandidatu traballadór 723

Governu liu husi Sekretáriu Estadu Formasaun Profesinál no Empregu (SEFOPE), fó ezame abilidade ba kandidatu trabalhador sira ne’ebé pasa ona kursu lian korea hamutuk  ema  na’in 723.

 “Atividade teste abilidade ba trabalador  ne’e servisu hamutuk ho ofisial Korea nain 6 ho Indonézia nain ida, halo teste skill no fíziku ba trabalador sira antes atu ba servisu iha Korea, ne’eduni  total trabalador ne’ebé ohin tuir teste hamutuk 723, kompostu husi área fábrika 263, no peskas atus 460”,  informa Diretur Nasionál Empregu, Exterior Filomeno Soares ba GMN iha Sentru Treinamentu Becora Díli, Kuarta (27/11).

Nia realsa, ezame ne’e parte ida atu ajuda trabalador sira kapasita sira-nia abilidade hodi prepara sira-nia aan  antes ba servisu iha área peskas no fábrika iha Korea.

Alende ne’e, Reprezentante Korea, Choi Jhong Yun, informa, treinamentu ne’e ho objetivu atu oinsá trabalador sira bele hatene servisu iha área peskas no fábrika nian iha Korea, no teste ne’e ezaminador sira sei hanorin trabalador sira oinsá dudu gerobak tula hahan ikan nomós metodu fó han ikan ho lais tuir oras ne’ebé determinadu.

Tuir planu, tinan  Diresaun Nasionál Empregu sei kontinua rekruta tan trabaladór hamutuk atus lima resin ba servisu iha Korea.aba