TL kumpri ona rekezitus tama ASEAN iha seguransa-polítika  RH-ekonomia sei fraku

Ofisial Diretór Jeral  Kooperasaun Association of Southeast Asian Nations (ASEAN) Indonézia, Foster Gultom, hatete,Timor-Leste  (TL) kumpri ona rekezitus balun tama ASEAN iha aspetu seguransa no polítika, maibé TL presiza investe maka’as hodi dezenvolve área Rekursu Umanu (RH) no ekonomia.

Tuir Foster Gultom, iha parte mapamentu, Timor-Leste tama ona iha zona ASEAN, maibé hanesan nasaun foun presiza halo preparasaun diak iha área hotu.

“Atu adere ba ASEAN, Timor-Leste tenke iha baze fundamental liu mak oinsa Estadu bele kria  estabilidade ne’ebé diak, alende ne’e presiza investe maka’as iha área rekursu humanu, Insfraestutura báziku sira,  inklui ekonomia rai laran, maibé ita haree husi parte seluk, haree husi mapamentu Timor-Leste tama ona iha Zona ASEAN, maibé hanesan nasaun foun atu adere ba ASEAN, Timor-Leste tenki iha baze fundamental liu mak oinsa Estadu bele kria  estabilidade ne’ebé diak”, hatete Foster Gultom ba GMN, hafoin sai orador iha Workshop kona bá ASEAN Charter ne’ebé realiza husi Ministériu Negósiu Estranjeiru no Kooperasaun iha Praia os coqueiros Díli, Tersa (26/11).

Nia mós husu ba Estadu Timor ho entidades  hotu, hahú husi komunidade bai-bain to’o ukun na’in sira atu oinsa bele garante estabilidade iha rai laran, antes atu sai membru ASEAN ba 11, presiza unidade nasionál hodi simu organizasaun ASEAN.

Entertantu, Diretur Polítika Seguransa  ba ASEAN, Agustinho Bareto informa, Governu kontinua halo esforsu maka’as hodi bele adere ba ASEAN,  tanba ne’e Governu presiza investe maka’as iha área rekursu humanu no hadia ekonomia rai laran.

“Antes ne’e mós iha failansu ida kona bá laiha koordenasaun diak, tanba menus rekursu humanu”, hateten Agustinho.

Nune’e mós, Nelson Belo hanesan Reforma Judisiáriu Ministériu Reforma Lesjislativa no Asuntu Parlamentar hatete, antes Timor-Leste adere ba ASEAN, presiza kapasita rekursu humanu no hadia ekonomia rai laran, nune’e bainhira sai membru organizasaun ASEAN, TL mós bele hamrik metin.aba