JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Labele asesu ba ai-han, bolseiru Timor-oan iha Wuhan-Xina ameasadu

Labele asesu ba ai-han, bolseiru Timor-oan iha Wuhan-Xina ameasadu

Vírus corona ne’ebé ataka sidade Huben Wuhan, Xina, halo nasaun barak iha mundu preokupadu tanba seidauk iha ai-moruk hodi kontra vírus ne’e. Vírus corona ne’e halo bolseiru Timor-oan sira ne’ebé dadaun ne’e estuda iha Xina hamutuk nain 17 sente ameasadu, tanba sira labele asesu ba ai-han. 

Tuir informasaun ne’ebé jornalista asesu husi estudante Timor-oan sira ne’ebé hela iha Wuhan, Xina, hatete katak, dadaun ne’e kondisaun iha Wuhan izoladu tebes  tanba atividade hotu paradu.

Bolseiru Mozanquinho Fernandes ne’ebé hela iha Wuhan, Xina  provínsia Hubei ne’ebé eskola iha Wuhan University of Technology hateten, dadaun ne’e sira sente ameasadu  tanba labele la’o sai hudi buka aihan.

“Kona-ba estudante Timoroan ne’ebé estuda iha ne’e graca a deus hotu-hotu nia kondisaun diak, ami mantein nafatin atu labele lao sai iha fatin ne’ebé ne’ebé deit, ami kontaktu malu no fó hanoin malu hotu, konaba stock hahan agora la sufisiente maibé iha ami nain 7 ne’ebé iha bele dehan katak hahan ne’e tahan maximu ba loron 3 depois iha universidade seluk ou estudante nain 6 seluk sira hato’o ona katak bele bertahan ba semana 1 no agora dadauk ami iha ne’e hamutuk nain 17 mak hela iha Wuhan maibé universidade diferente distansia entre ami dok hotu, klaru katak ami hetan ameasadu,” dehan, Bolseiru Mozanquinho ba Jornalista GMN liu husi media sosial whatsApp, Segunda (27/01/2020).

Mozanquinho hateten, maske kondisaun bolseiru 17 iha Wuhan diak maybe, sira senti lá seguru tanba seidauk iha aimoruk atu kontra vírus nee.

“Garasa de deus loron hira ne’e ami hetan ona kontaktu ho embaixada Timor iha Xina hodi kolia ona no ami hetan resposta pozitivu husi ministeriu negosiu estranjeiru e komersiu no ministeriu rasik hato’o ona katak mantein kontaktu ho embaixador atu fóti asaun ruma hare’e no buka meius ou dalan iha posibilidade bele evakua ami husi fatin ida ne’e, ami husu ba governu liu husi embaixada iha xina atu bele kolia ho autoridade iha Wuhan nian hodi buka dalan para evakua ami estudante nain 17 ne’ebé mak agora iha sentru Wuhan no izola aan deit no sente ameasadu mentalmente,” nia esplika.

Lee hotu :   Padre Ruben Martines husu sarani jejun hodi hametin fiar iha família

Oras ne’e dadauk Mozanquinho hela hamutuk ho nia belun Timor oan nain 6 iha apartamentu ida deit, ne’ebé eskola iha Universidade Huazhong University of Science and Technology.

Tuir Mozanquinho  iha mós Timoroan nain 10 ne’ebé hela iha area wuhan ho apartementu ne’ebé diferente tanbá diferensia universidade no hetan kontaktu ona husi embaixada timor-leste iha xina atu nafatin asegura aan husi moras refere molok governu foti dezisaun ruma.

Vírus corona, ne’e rasik mosu iha sidade huben Wuhan Xina, iha loron  31 fulan Dezembru tinan 2019. Sintoma ba moras corona ne’e, halo isin manas maka’as, ulun moras, me’ar, fani no dada iss ladi’ak.

Tuir análiza balun fó sai katak, vírus refere mosu, no halo ema barak mate, kauza hosi konsumu naan husi animal, hanesan, Niki, Laho, inklui naan husi samea no seluktan.

Inan-aman bolseiru preokupadu

Nune’e mos Inan aman bolseiru sira iha sidade Wuhan – Xina preokupadu ho vírus korona nebe ataka sidade Wuhan- Xina, tanba nee sira husu ba Ministru Negosius Estranjeirus no Kooperasaun, Dionísio Babo atu evakua sira nia oan ba fatin seluk.

Reprezentante inan aman Bolseiru, Belarmino da Silva, hato’o lia hirak nee ba JNDiário, Segunda (27/01) hafoin hasoru malu ho Diplomata Timor-oan nee.

“Ami inan aman preukupa tebes ho ami nia oan sira nia kondisaun iha ne’ebá satan hanesan ohin ministru MNEK esplika katak,moras ne’e moras ida ne’ebé mak perigu no moras ne’ebé maka kontazioza nune’e Estadu husi ne’ebá rasik bandu katak,labarik sira labele sa’e .Entaun ami inan aman ami preukupa liu maka sira nia lojistika han hemu agora dadauk mihis los ona ,tamba sira la preparadu. Agora dadauk sira nia kondisaun diak hela,tamba sira izola an iha sira nia kuartu laran,ami preukupa mak wanhira sira nia hahan hotu sira atu sai ba hola sasan ne’e ami tauk,maske sira uza hela masker ,tamba masker ne’e bele garante ka asegura sira kale?,tamba sira uza masker ne’e oinsa ho sira nia ropa iha isin ne’e kontaminadu mak hodi fila ba sira nia dormitóriu ne’e perigu bo’ot ida. Solusiona dalan laos de’it ba hahan no hemu ,maibe halo nusa mak iha posibilidade sé bele hodi sira sai karik halo sai halo nusa mak hodi bele seguru ,oan sira nia komunikasaun ba nia inan aman iha Timor mak sira preukupa ho moras ne’e,no preukupa ho sira nia hahan no hemu,tamba sira atu uza be’e torneira bain-bain sira tauk be’e ne’ebé mak kontaminadu ,entaun sira uza de’it be’e iha supermerkadu nian. Ami nia hakarak ne’e se bele sir abele hases an husi fatin ida WUHAN ne’e ,tamba nasaun hotu-hotu mós hakarak hasa’I nia mea husi ne’ebá mas seidauk bele realiza,tamba China rasik hatete katak,fatin ida WUHAN ne’e taka totalmente Aero,tasi,terertre”, dehan Belarmino da Silva.

Lee hotu :   Governu lansa sistema SIGTAS iha munisípiu Baucau

Reprezentante inana aman nee dehan sira hasoru malu ho MNEK ne’e atu hato’o sira nia preokupasaun hodi Governu liu husi MNEK buka solusaun ba, sira nia oan sira iha Xina,tanba tauk sira nia oan sira kontamina, ho vírus corona ne’ebé espalla iha provínsia WUHAN.

Belarmino da Silva, esplika, informasaun ne’ebé sira simu, husi oan sira hatete, dadaun ne’e ,sira izola deit , iha sira nia hela fatin, no tauk sai ba liur, tanba kontamina ho vírus corona, No difikuldade hirak ne’ebé oan sira hasoru iha WUHAN maka ,sira nia stok hahan no be’e hahú menus dadaun.

Hatán ba preokupasaun família sira nian, Ministru Negosiu Estranjeiru no Kooperasaun Dionísio Babo, rasik komunika ona ho embaixador Xhina iha Timor-Leste katak, bolseiru Timor oan na’in 17 iha provinsia WUHAN iha kondisaun di’ak.

Maske nunee, governante nee dehan MNEK sei hamutuk ho Ministériu Ensinu Superior Siénsia no Kultura no Ministériu Saúde hodi buka dalan, atu fó primeiru sokoru ba bolseiru Timor oan sira, iha WUHAN atu labele kontamina ho vírus corona ne’e.

Dadaun ne’e Estadu Xina deside hodi taka hotu dalan husi Aero portu, terrestre no fronteira inklui loja balun,tamba tauk atu vírus corona kontamina ema barak.

Total bolseiru Timor oan sira, ne’ebé estuda iha China,provinsia WUHAN hamutuk na’in 17.

Tuir informasaun husi, Komisaun Nasionál Saúde Xina, ne’ebé divulga iha Lusa katak, númeru mortal husi Vírus Corona hamutuk 80 resin no ema ne’ebé infetadu hamutuk 2000 resin ,enkuantu pasiente 300 resin mak iha hela estadu krítiku.Ida/Tos

 

Add to Comments Here!!!!

error: Content is protected.
Secured By miniOrange
You might also like:
FRETILIN preokupadu Xanana la partisipa diálogu ho PR

Vise Xefe bankada FRETILIN, Francisco Miranda...

Vise MOP: Lei la forte, kapital Díli dezorganizadu

Vise Ministru Obras Públikas (MOP), Nicolau...

Naimori: Líder nasionál la simu malu, povu kontinua sai vítima ■KHUNTO prontu ba opozisaun

Konselleiru másimu Partidu Kmanek Haburas Unidade...

Close