Dioseze Díli koordena ho MT taka provizoriu fatin turizmu Ramelau

Dioseze Díli koordena ona ho Ministeriu Turismo (MT) taka provizoriu fatin turismo Ramelau.

Vigário Pastoral Diocese Díli, Padre (Pe).Juvito do Rego Araújo, hateten, sira foti desizaun ne’e tanba fatin turizmu Ramelau tanba ema barak sempre ba halo vizita iha ne’eba, no iha fatin refere ninia klima malirin no fasil tebes virus ne’e daet.

“Hau iha kondernasaun ho ministeiru saúde, mai iha ne’e apela ba komunidade tomak katak, iha krize ida ne’ebé ita ditekta ona, virus tama iha ita nia rai, husu atu komunidade sira, hapara atividade movimentu ba Ramelau ninian, para lai labele ba, tanba corona ne’e moris, sustancia diak liu, existi diak liu iha malirin, ne’ebé sira ne’ebé hakarak atu salva rai ida ne’e, salva povo ida ne’e, rona apelu ida ne’e, tau iha prátika atu keta halo ita mate hanesan iha Italia”,hatete, Pe. Juvito, liu husi konferensa imprensa, Segunda(23/03/2020)iha paço episkopál Lecidere.

Pe.Juvito esplika, fatin turizmu ne’ebé taka mak hanesan turismu relijioza hotu iha Timor, tanba fatin hirak ne’e maka dala barak liu ema halibur malu.

“La’os deit ba ramelau, maibé santuariu hot-hotu, fatin hot-hotu, taka odamatan ba reniau-reniaun sira, ne’ebé la’os ramelau, ramelaun ne’e hanesan ida ne’ebé ke bo’ot liu ona, koñesidu liu, maibé santuariu hot-hotu, evita ema halibur hamutuk ne’e maka importante liu, ida-idak izola nia-an hodi salva rai ida hodi salva povu ida ne’e”hateten. Pe. Juvito do Rêgo

Enkuantu, fatin turizmu relijioza iha Timor maka hanesan, Ramelau,Cristo-Rei Dili, Cristu liurai Letefoho, João Paul II no seluk-seluk tan.

Padre Juvito mos husu, atu ema hotu hakmatek iha uma, hakbesik-an ba maromak hodi hasa’e orasaun  no halo penitensia.Jen