JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Durante Estadu Emerjénsia, SEFOPE espera empregadór sira kontinua selu traballadór

Durante Estadu Emerjénsia, SEFOPE espera empregadór sira kontinua selu traballadór

Sekretáriu Estadu Formasaun Profisionál no Empregu (SEFOPE), Julião da Silva, iha esperansa ba empregadór sira atu kontinua selu saláriu traballadór sira nian, maske traballadór sira iha, durante periódu Estadu Emerjénsia.

“Sekuandu ita-nia empregadór sira laran luak hodi hanoin katak, ida ne’e ha’u nia traballadór, ne’ebé servisu ba ha’u kleur, entaun bele selu saláriu traballadór fulan tomak ou metade mós diak, tanba ida ne’e la’os traballadór sira mak lakohi servisu, maibé tanba situasaun pandemia COVID-19”, dehan Sekretáriu  Estadu, Julião da Silva, ba JN-Diário Sesta(27/03/2020) iha Kaikoli, Díli.

Sekretariu Estadu informa, SEFOPE sei kordena ho empregadór sira hodi koalia konaba, kondisaun traballadór nian, bainhira PR dekreta ona Estadu Emerjénsia, nune’e bele ajuda nafatin traballadór sira. SEFOPE mós deseju atu iha deklarasaun PR, ba Estadu Emerjénsia bele síta mós kondisaun traballadór nian.

“Governu liu hosi SEFOPE sei hein no haree, nune’e SEFOPE mós sei publika hela ba setór privadu no Ajensia  sira  atu haree ba traballadór hotu. Ami hein deklarasaun hosi PR ne’ebé hanesan deklarasaun Estadu, hodi apela ba povu tomak atu hakmatek iha uma tanba ne’e ami espera, empregadór hotu bele koopera ho Estadu hodi haree kondisaun traballadór sira”, afirma Julião da Silva.

Governante subliña, pandemia COVID-19 kuaze afeta ba mundu tomak no la’os iha Timor-Leste deit,entaun ida ne’e afeta mós ba ekonómia Nasaun nian tanba mundu lock down. Ami sei buka meus ida oinsa hodi buka solusaun nune’e labele afeta ba traballadór inklui empregadór sira.

“Virus ne’e ita la hatene nia validade ne’e to’o semana hira no bele akontese to’o tinan, tanba ita hare iha Nasaun bo’ot sira ema kuaze mate lor-loron entaun ita espera ida ne’e labele akontese iha Timor.”dehan tan.

Lee hotu :   Povu selebra restaurasaun indepensia ho simples

Julião dehan, SEFOPE prepara ona karta hodi haruka ba empregadór no sindikadu traballadór hodi koalia konaba kondisaun traballadór nian, maibé sei hein PR dekreta Estadu Emerjénsia. Governu sei la selu hotu traballadór tanba traballadór iha Timor laos oituan, entaun SEFOPE sei buka meus oinsa kordena ho empregadór sira atu kontinua fó salariu traballadór.Fel

Add to Comments Here!!!!

error: Content is protected.
Secured By miniOrange
You might also like:
GJK aprezenta esforsu Estadu durante EE iha reunian KI

Konsellu Interministerial (KI) ne’ebé lidera husi...

Ministériu Saúde Kontrola Makaas Timor-oan sira iha Kuarentena

Diretora Jeral Prestasaun Saúde, Odete Viegas...

Covid-19: Horta pede a timorenses que não discriminem estrangeiros

O ex-Presidente da República, José Ramos...

Close