JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor-Leste vigora Estadu Emerjénsia durante fulan ida

Timor-Leste vigora Estadu Emerjénsia durante fulan ida

Timor-Leste adapta Estadu Emerjénsia ne’ebé Prezidente Repúblika (PR), Francisco Guterres Lú Olo, ofisialmente dekreta Estadu Emerjénsia iha loron 27/03, no sei  hahú implementa iha  loron 28 Marsu, to’o loron 26 fulan Abril tinan 2020, hodi limite direitu liberdade povu  nian, atu salva  aan husi pandemia Covid-19, ne’ebé fó ameasa ba povu nia vida. 

“Ha’u dekreta Estadu emerjensia atu prevene kalamidade públiku ida akontese ba ita husi Covid-19, ha’u dekreta  tanba konstituisaun fó dalan ba Estadu emerjensia, bainhira iha kalamidade públika , ha’u dekreta autorizasaun husi Parlamentu Nasional, ha’u halo ida ne’e ho responsabilidade tomak, nu’udar Prezidenti Repúblika, atu proteje ita-nia ema atu la husik moras Coronavirus destroi ita-nia povu no país”, deklara Francisco Guterres Lú Olo, Sesta (27/03/2020) iha Palásiu Prezidensial Nicolau Lobato.

Nia afirma, Timor-Leste tama ona iha Estadu emerjensia, husi loron 28 fulan Marsu, sábadu hahú husi oras 00 to’o loron 26 fulan abril tinan 2020 meia noite, atu fó dalan ba Governu foti no implementa medida espesífiku sira, sei limita ka suspende povu direitu no liberdade balun, garante balu ne’ebé konstituisaun fó ba sidadaun ida-idak,   la’os atu halakon, maibé suspende ka limita.

 “Ha’u husu ba  povu tomak atu simu  medida sira ne’e,  ho dame no respeitu no fó apoiu ba ekipa ne’ebé servisu maka’as iha terrenu, atividade  balun sei para  no balun seluk sei la’o nafatin atu  garante ita-nia moris lor-loron, governu bele proibe reuniaun no  manifestasaun ka eventu  sosial, limita sirkulasaun ema nian saida deit ne’ebé envolve ema barak tanba risku kontájiu, husi ema ba ema  bo’ot tebes”,  fundamenta Xefi Estadu .

Lee hotu :   Longuinhos Armando: Idade 60 mak bele foti subsídiu seguransa sosiál

Lu Olo haktuir, hanesan iha tempu luta libertasaun nasional, Timor-oan tenke hatene fó liman ba malu hodi hasoru inimigu ida mak moras Covid-19, hamutuk fó apoiu ba governu hodi implementa medidas ne’ebé efetivu atu antesipa virus ne’e labele da’et ba bebeik nune’e, proteje povu tenke reforsa governu oinsa deit, iha tempu ne’ebé deit.

“Ha’u husu ba partidu polítikus, líderes, kuadrus  no militantes hotu-hotu, atu tau sees lai diferensas polítikas, hodi fó liman ba malu,  nu’udar kombatente ida deit hasoru moras at ida ne’e, ita hotu tenke halo reflesaun klean, saida mak bele akontese aban ba ita, nu’udar Timor-oan iha situasaun difisil ida ne’e , liu  husi Parlamentu Nasional nia autorizasaun, ha’u dekreta Estadu emerjensia ne’e, hatudu sinal pozitivu  tebes  ba ita nia solidariedade institusional iha luta ida ne’e, hodi defende ita-nia povu”, hakotu Lú Olo.oly

Add to Comments Here!!!!

error: Content is protected.
Secured By miniOrange
You might also like:
AJTL ho TLPU husu MS trata jornalista ho dignu

Asosiasaun Jornalista Timor Leste(AJTL), ho Timor...

PM Taur: Orgullu PN autoriza PR dekreta Estadu Emerjensia

Primeiru Ministru (PM) Taur Matan Ruak,...

PNTL ho F-FDTL sei implementa regra Estadu Emerjénsia

Polísia Nasionál Timor-Leste (PNTL) ho FALINTIL-Forsa...

Close