JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ADN halo uma walu ba vítima inundasaun iha kapital Dili

ADN halo uma walu ba vítima inundasaun iha kapital Dili

Governu liu husi Ajensia Dezenvolvimentu Nasional (ADN) halo uma walu (8) ba vitima inundasaun iha suku Becora, Aldeia Becusse kraik, no iha Suku Santa Cruz, Aldeia 1 Donoge,  Inundasaun ne’e akontese iha loron 21/03/20, nune’e ADN halo kedan verifikasaun, no hetan uma walu (8) ne’ebé maka hetan estragus totál.

Iha uma walu (8)ne’e,  uma 4 iha Suku Becora, Aldeia Becusse kraik, no 4 seluk iha Suku Santa Cruz, Aldeia 1 Donoge.

“Uluk nanain ha’u agradese tebes tanba ha’u hetan inundasaun iha fulan rua liu ba maibé ohin loron ha’u bele hetan ajuda liu husi MOP maibé ida ne’e tuir informasaun ne’ebé ha’u hetan katak mai husi Avo Xanana depois maka ita halo komfirmasaun to’ok,”Zoela Ines hatutan.

“Maibé klaru katak ami agradese teb-tebes tanba Estadu bele tau matan mai hari fali mahon ba ami para ami bele hala’o fali ami nia moris hanesan baibain nian, tamba durante fulan rua ne’e ami toba ba fatin ida, ba fatin ida atu hanesan hakmatek ne’e laiha ami nia oan sira mós to’o agora sei trauma hela, ne’ebé ami agradese tebes tamba bele fó ajuda ida ne’e mai ami,” hatete, Zoela Inês Pereira, Vitima Inundasaun ba JN-Díario, iha Becora, Sabádu (23/05/20).

Vitima inundasaun Zoela Ines esplika, medida ba uma 4 ne’ebé maka ekipa implementasaun husi Kompaña Quatru Maun Alin, Lda halo ne’e 9X7  metru kuadradu.

Iha fatin hanesan, Daniel Soares hanesan Xefe badaen husi kompaña Quatru Maun Alin, Lda hatete, konstrusaun uma hirak ne’e hahú iha loron (18/05/2020) no durasaun ba kontrusaun ne’e fulan tolu, total badaen ba kontrusaun uma ha’at iha aldeia becussi ne’e hamutuk 14.

Lee hotu :   Ahi han kioske 8, ema na’in ida kanek grave

Nune’e mos, Alicia Moniz Amaral, Xefe Aldeia Becussi Kraik lamenta, tamba antes ne’e nia la hetan rekoñesimentu husi ADN, no kompañia Quatru Maun Alin  ne’ebé maka kaer konstrusaun ba uma ne’e.

“Ha’u mós uma ida agora dadauk sira halo fondasi ne’e ha’u laiha preparasaun mai haree, sira mós laiha komunika ka koeñesimentu ba autoridade lokal ka ba xefe suku ka laiha, maibé horseik, tamba lista husi sosiál mai husi sekretario estadu protesaun civil mai hatete, dehan, nia atu mai haree iha ne’e, xefe aldeia hakat tok ba haree tamba sira halo tiha fondasi ona, ne’ebé momentu ida ne’e ha’u mai duni iha ne’e kal parese trez e meiaQuatru oras hanesan ne’e,ha’u mai haree ne’e fondasi iha tia ona, ne’ebé ha’u konsege husu duni ba uma nain, uma nain hatete ne’e apoiu ida ne’e husi katuas Xanana,” Tenik, Xefe Aldeia ne’e.

Xefe Aldeia Alicia M.Amaral haktuir, apoiu ba kontrusaun uma hirak ne’e tanba vitima inundasaun sira, husu direita ba lider karismátiku ne’e, nune’e Xanana fó apoio liu husi kompaña BTK.

“Lae ida ne’e klaru ha’u hanoin, tamba sira laiha koñeseimentu ne’e maka ne’e uit-oan tanba sei mosu problema ruma karik ami tenki husik liman. Ne’e ami labele halo buat ida tamba laiha koñesimentu husi sira ne’ebé maka halo apoiu ba uma ne’e i uma na’in mós la fó koñesimentu, kompañia la fó konesimentu ne’e ami labele halo buat ida,”haktuir, Alicia.

Hatan ba prekupasaun ne’e, Diretúr Jerál ADN, Samuel Marsal esplika, iha situasun inundasaun iha fulan marsu ne’e afeita teb-tebes ba uma hat iha parte Becusse Kraik no Hat iha Ponte My Freind.

Lee hotu :   EDTL sei buka tuir komunidade dada ahi illegal

Nune’e husi ADN hanoin atu hadia maibe, kustu ba renovasaun ne’e hanesan de’it ho halo kontrusaun foun.

“Entaun momentu ne’e ami koalia ho PNDS para karik sira iha fundus ruma atu suporta para bele hadia tamba ne’e hanesan mós projetu ita bele dehan katak projetu suku nian, maibé tamba sira mós laiha orsamentu ba ida ne’e entaun parte husi ADN ha’u koalia ho ha’u nia finansas ami haree fali fundus balun ne’ebé maka ami labele konsege ezekuta iha tinan ida ne’e nia laran ADN husi PDD nian. PDD mós programa ba suku nian entaun ami uza fali osan restu husi PDM nian para bele halo konstrui fali uma hát iha ponte My Friend nian no hat iha Becussi nian, hamutuk uma walu,” Samuel Marcal hatan prekupasaun ne’e iha Edifício ADN Fatuhada, Sesta (29/05/2020).

Diretúr Jerál ADN, Samuel Marsal mos dehan kona-ba prekupasaun husi autoridade lokal sira ne’ebé maka kestiona laiha rekoñesimentu ba sira, wainhira atu halo kontrusaun ba uma hirak ne’e.

“Ha’u hanoin ne’e sira maka koalia mais kestaun iha ne’ebá sira maka proposta ka lae, komunidade ne’ebá maka proposta husu para hadia sira nia uma hadia buat sira estragus ne’e sira maka ezizi i nune’e tamba hanesan Governu ADN mós parte husi Governu,” Diretúr Jerál ADN, Samuel Marsal hatutan.

“Ida ne’e ita hein katak tamba sira iha uma át durante ne’e ita halo, koalia kona-ba distansia social, mais parte ida sira hotu husi uma hat (4) ita bele imajina uma hat ba hela tan iha uma ida ke uma ne’e kiik-oan teb-tebes família rua ba hela tan hamutuk ha’u ba haree iha ne’ebá katak situasaun ne’e grave,” Samuel Marsal haktuir.

Lee hotu :   Dom Norberto: Líder ParPol presiza rezolve impase polítiku

“Sira balun tenki toba tan iha rai mós ita haree katak iha tempu ida ne’e tempu ida agora ne’e dengue mós makaas entaun sira hotu toba hela hanesan ne’e, prontu ita tenki buka solusaun urjente, selae ita hatene agora mós tempu udan ita lahatene iha tempu ida loron hira mai oin nee mai mota bo’ot ida mai sobu estraga liu tan I sira halo nusa los ka lae, ne ita nia povu haré sira nia susar Governu dehan osan ne’e sira nian. Ne’ebé ita tenki halo tamba osan ne’e povu nian,” relata, Diretór Jeral AND,Samuel Marcal.

Projetu emerjénsia ne’e hala’o husi Kompañia Quatru Irmaun, tamba, antes projetu emerjánsia ne’e ADN halo uluk avaliasaun ba kompañia ne’ebé maka prienxe kritéria hodi halo projetu emerjénsia ne’e.

Nune’e husi Kompañia Quatru Irmaun maka hetan Projetu Emerjénsia ne’e.

“Ida maka ha’u dehan kuaze uma ida hetan USD 20.000 hamutuk uma hat (4) ne’e USD 80.000, total hamutuk uma walu,” relata, Samuel Marcal.Luc

Add to Comments Here!!!!

error: Content is protected.
Secured By miniOrange
You might also like:
Destitui Sekretáriu-Vise Sekretáriu meja PN, PPN hein desizaun bankada parlamentár

Prezidente Parlamentu Nasionál (PPN), Aniceto Guterres,...

MEJD seidauk iha data fixu reativa prosesu aprendizajen

Ministra Edukasaun Joventude no Desportu (MEJD),...

Padre Emanuel: Sarani sira tenke kumpre protokolu OMS durante misa

Pároku São José Ai-Mutin, Emanuel Lelo...

Close