JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Traballadór merkadu Taibesi fulan neen ona la simu saláriu

Traballadór merkadu Taibesi fulan neen ona la simu saláriu

Traballadóra merkadu Taibesi, Etelviana Fatíma da Conceição, hatete, traballadór sira ne’ebé servisu iha merkadu Taibesi to’o agora kontinua simu orientasaun hala’o servisu, maibe laiha justifikasaun ruma ba kontratu, nune’e tama ba fulan neen nia laran iha tinan ida ne’e, sira la simu saláriu.

Etelvina da Conceição, afirma, hahú husi tinan 2014 to’o  tinan 2019, sira simu saláriu la’o diak los husi Ministériu Turizmu Komersiu no Industria (MTCI-sigla Portugés), maibe hafoin sira remata kontratu servisu iha fulan Dezembru tinan 2019, no tama ba tinan 2020 ne’e laiha informasaun ruma husi autoridade kompetente ba sira-nia distinu.

“Durante ne’e entrega ami ba iha Autoridade Múnisipiu Díli, maibe ami fila fali ba MCIA ka MTCI sira dudu ba malu hela, depois MCIA selu duni ami durante tinan ida remata iha dia 31 de Dezembru ne’e, ami kontinua servisu nafatin iha Janeiru ate agora ami nia dever la’o hela, maibe sira la atende ami ida, ami ba mai dudu ba mai to’o hela agora, ami seidauk hetan asina kontratu to’o agora, tinan kotuk ami la’o ba mai MCIA mak selu duni ami tinan ida nian”,dehan Traballadóra Etelviana Fatíma da Conceição ba Jornalista GMN Segunda  (13/07/2020), iha Merkadu Taibesi.

Nia afirma, husi sira na’in 70 resin servisu iha área limpeza no seguransa iha Merkadu Taibesi. Durante ne’e nia haktuir, entrega ona traballadór hirak ne’e ba Autoridade Munisípiu mak toma konta, maibe autoridade seidauk fó resposta ruma, maka traballadór sira kontinua servísu maske la simu saláriu fulan neen, hodi hein parte relevante sira tau matan ba sira.

Ba kestaun ne’e, Díretor Diresaun Komérsiu Internu, Domingos da Costa Guterres, esplika, kontratu ba funsionáriu hirak ne’e  termina ona iha tinan 2019, no traballadór sira ne’e tama ona ba Prezidente Autoridade nia toma konta, liu liu iha Ministériu Estatal nia tutela.

Lee hotu :   TATOLI HUSU APOIU POLÍTIKA BA GOVERNU

“Ita la’o hela orsamentu duodésimu, entaun halo funsionáriu sira ne’ebé destakadu iha Merkadu Taibesi, no Manleuana sira ba duni Prezidente Autoridade, liu-liu iha Munisípiu Díli,  maibe sira la iha orsamentu atu responde entaun traballadór nafatin mai iha MTCI, para oinsa fo apoiu no fasilita para bele  buka solusaun ba problema traballadór sira nian. Ami husi Ministériu Túrizmu Komersiu no Industria iha komitmentu atu haree ba sira nia asuntu,  tanba traballadór sira iha merkadu rua ne’e la’o  tempu naruk tebes no sira mos hola parte iha situasaun difisil”.

“Uluk iha (Merkadu) Hali-Laran atu muda ba merkadu Taibesi sira-nia kontribuisaun mos, entaun ida mos ami MTCI sempre apoiu liu-liu ba iha Munisípiu Díli buka solusaun tau matan ba sira, liu-liu sira hanesan traballadór oinsa hetan sira-nia saláriu durante fulan hira nia laran. Fulan hira nia laran sira la simu osan entaun ita-nia funsionáriu sira hato’o sira nia karta reklamasaun ba iha Gabinente PM, entaun Gabinete PM fó orientasaun ba iha Inspeksaun Jeral Estadu para halo investigasaun oituan ba kestaun hirak ne’e, liu-liu ba MTCI no mos ba Estatal no Autoridade Munisípiu Díli”, tenik Domingos. Oly

Add to Comments Here!!!!

error: Content is protected.
Secured By miniOrange
You might also like:
FMTL kontra esbosu lei kriminaliza difamasaun

Front Mahasiswa Timor-Leste (FMTL), deklara, kontra...

Tempu badak Governu implementa sistema autoridade marítima

Governu konstitusionál daualu iha tempu badak...

Asidente tráfegu iha RAEOA, Rezulta ema tolu mate no na’in hitu kanek

Asidente tráfegu ne’ebé mak akontese iha...

Close