JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estadu sei tau matan ba família Renan Selac

Estadu sei tau matan ba família Renan Selac

Estadu liu husi Governu sei tau matan ba faluk no oan ki’ak sira husi saudozu, Faustino dos Santos “Renan Selac” (Render Nunca A Não Ser Leva A Cabeça).

“Ha’u dekreta ba dahuluk atu hakoi veteranu ida husi Lautem iha semitériu espesiál ida ne’e halót ona restos mortais asuwa’in sira ni’an ho nune’e bele deskansa hakmatek no ba luta na’in sira ne’ebé mate mós ba ita-nia libertasaun nasionál, hein katak iha tempu badak fatin ne’e sei sai jardim herois da patria Lautem ba sira ne’ebé mate ona Estadu buka ajuda faluk no oan ki’ak sira, biar nune’e barak seidauk simu loloos husi Estadu saudozu Renan Selac eroi nasionál koñesidu ida, enkuantu moris simu rekoñesimentu husi Estadu ho diretu hotu-hotu tuir lei ne’ebé haruka, iha loron 28, fulan Novembru, tinan 2018, ha’u kondekora Renan Selac ho grau aas orden Timor-Leste ho dekretu prezidente númeru 49/2018, ba oin Estadu sei tau matan ba saudozu liu husi pensaun sobrevivénsia no benefísiu tuir lei haruka”, Xefe Estadu, Francisco Guteres Lú Olo hato’o mensajen ne’e liu husi Chefe Casa Civíl, Francisco de Vasconcelos ne’ebé partisipa seremonia fúnebre saudozu, Faustino Dos Santos Renan Selac, iha Osoáriu Lospalos ka Semitériu Espesiál Lautem, Tersa (15/09/2020).

Xefe Estadu hateten, Saudozu Renan Selac husik hela kna’ar importante ida ne’ebé nia asume nu’udar Vise Prezidente Konsellu Kombatente Libertasaun Nasionál, órgaun ne’ebé Estadu harii iha Janeiru 2020, atu tau atensaun ba veteranu kombatente libertasaun nasionál.

Aman nasaun ne’e rekoñese saudozu nia luta naruk tebes ba rai doben Timor-Leste, to’o hetan nia Independénsia.

Maske saudozu nia mate husik hela laran susar no taridu ba família tomak, maibé Estadu orgullu ho saúdozu tanba fó nia vida tomak hodi liberta povu no nasaun.

Lee hotu :   Sosiedade sivíl husu PR Lú Olo veta alterasaun LFP

Lú Olo husu ba ema hotu atu la’o tuir nafatin banati saudozu Renan Selac ni’an ne’ebé mak nia halo ba nasaun Timor-Leste iha tempu luta.

“Ho ami hakat liu ba maluk sira ne’ebé mate iha sorin, sorin balun iha oin no iha kotuk, nia hatene nakfilak laran taridu ba fali korajen atu ita nia nasaun la’o ba oin to’o ita ukun rasik-an ho jornada naruk tebes hodi simu sakrifísiu oin-oin, ita hotu bele moris saudozu fó nia vida tomak atu ita liberta patria, biar nune’e nia la hamri’ik hamutuk ona ho ita iha segunda faze atu liberta ita-nia povu doben ita-an ba kauza nasionál sei inspira nafatin ita hotu ita sente triste, tanba nia mate, maibé nia obra funu ni’an nafatin orgullu ba povu tomak no ba jerasaun sira hotu, hamutuk ita hatutan nia mehi iha hotu-hotu, nia mehi liberta povu husi ki’ak no mukit”.

Hafoin termina mensajen PR ni’an ne’ebé hato’o liu husi Chefe Casa Civil, Francisco de Vasconcelos, entrega kedas mensajen refere ba saudozu Renan Selac nia oan mane Norberto dos Santos. Ina

Add to Comments Here!!!!

error: Content is protected.
Secured By miniOrange
You might also like:
F-FDTL sei sosa tan ró hodi patrulla iha Tasi Timor

Xefe Estadu Maior FALINTIL-Forsa Defeza Timor-Leste...

KM altera dekretu lei fó tan subsídiu ba estudante la’ós bolseiru iha nasaun hitu

Konsellu Ministru (KM) iha Kuarta ne’e...

RNDJK: PR Lú Olo laiha responsabilidade morál ba povu

Grupu Rezisténsia Nasionál Defende Justisa no...

Close