JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere hasoru Xanana ho matan-been, Xanana: Tiru mate tiha ha’u mak foti mate-isin

Lere hasoru Xanana ho matan-been, Xanana: Tiru mate tiha ha’u mak foti mate-isin

Xefe Estadu Maiór Jenerál FALINTIL Forsa Defeza Timor-Leste (F-FDTL) Tenente Jenerál hamonu matan-been, bainhira hasoru líder nasionál no mos eis komandante em xefe Falintil Kay Rala Xanana Gusmão, relasiona ho imajen ne’ebé mak virál iha média social, Xanana Gusmão toba kalan iha estrada-laran ho deit biti oan ida iha  resintu izolamentu Verra-Cruz Segunda (12/04/2021).

Nune’e iha Tersa (13/04/2021) mais ou menus tuku ualu dadersan Lere Anan Timur, vizita hodi haree líder nasionál Kay Rala Xanana Gusmão, atu nia bele fila ba uma hodi deskansa, tanba haree ba kondisaun saúde.

“Maun se konfia nafatin ha’u entrega problema ne’e ha’u rezolve, maun ba haree nasaun nia diak, mate ita ba hakoi. Diak ba maun nia saúde, maun katuas  ba deskansa ne’e problema kiik, problema bo’ot mak nasaun nian, ita lakon bainhira povu hamlaha”,esplika Xefe Estadu Maiór Jenerál FALINTIL Forsa Defeza Timor-Leste (F-FDTL) Tenente Jenerál Lere Anan Timur, bainhira dada lia hela ho líder nasionál Kay Rala Xanana Gusmão, iha Verra-Cruz.

Lere  mós husu ba  komunidade  ne’ebé mak akompaña Xanana, atu ida-idak fila ba sira-nia uma hodi  bele evita problema.

“Maun dala barak ha’u iha ai-laran fó orden ne’ebé mak ha’u fó soldadu mak ida ne’e, Xanana mate ikus, ita mak ténke mate uluk, Xanana mate uluk ita mate hamutuk, ne’e mak ami-nia prinsípiu”,dehan Lere.

Lere husu ba líder sira hamutuk  harii nasaun ida ne’e, mundu seluk mai  aproveita.

 “Ha’u mós fakar  ha’u nia ran ida ne’e, ne’e mak ha’u lakohi ita-nia nasaun ida ne’e. Maun sei iha ne’e. Ha’u partikular, ha’u nia maun nafatin, ha’u nia mestri, ha’u-nia líder nafatin. Ami sira fó ami-nia vida para maun moris, maun dala barak la’o hamutuk ho ami”,dehan Lere.

Lee hotu :   Oan Soru: Verifikasaun dadus veteranu paradu tanba hein OJE 2020

Maske  Xefe Estadu Maiór Jenerál F-FDTL Tenente Jenerál Lere Anan Timur husu Líder Nasionál Kay Rala Xanana Gusmão atu entrega mate-isin Armindo Borges ba Ministériu Saúde atu haloot iha Metinaro, maibé Xanana  rasik rejeita tanba matebian tuir doutór sira hatete katak nia la’ós mate ba Covid.

“Ha’u rasik lori mate ne’e ba hakoi tiha iha nia fatin ha’u foin fila ba uma. Ne’e la impede Governu hodi hatete deit ba Governu dehan povu la fiar ona kona-ba Covid bosok ten, halimar fali ho povu nia moris ne’e mak ha’u mos mai hamutuk ho povu ne’e. ne’ebé obrigado barak mai vizita ami iha ne’e, ha’u hatene katak servisu barak iha ne’eba. Ha’u iha ne’e ba dehan ba Governu lori ba mak ami iha ne’e, ohin dader-san (Horiseik) tuku tolu deit sira mai ha’u taka odamatan dehan imi la tama, mai fali tan dala ida. Horiseik militar dehan atu mai foti, militar mai oho tiha ha’u mak bele tama”,dehan eis komandante em xefe Falintil Kay Rala Xanana Gusmão.

Xanana dehan, asaun ne’e la’os  kontra Estadu no Governu, maibé asaun sívika ida  atu dehan  katak husi Ministériu Saúde, husi doutór Rui Araújo ne’ebé matenek bo’ot ne’e, hadia oituan sira-nia hahalok ne’e para povu fiar.

Pasiénte Armindo Borges idade 47, mate iha Hospital Nacional Guido Valadares (HNGV) iha Domingu (11/04/2021), hafoin transporta mai iha sala izolamentu  Verra-Cruz, tanba mate deskonfia ba COVID-19. Maibé parte família rejeita katak, Armindo Borges nia mate la’ós tanba COVID-19, maibé moras struk, ran sai husi tilun no kabun bubu.

Lee hotu :   DNAS sei rezolve beemoos iha área remotas

Maske nune’e, Ministériu Saude la interese desizaun  husi família nian,  atu tenta lori mate-isin ba haloot iha semitériu COVID-19, ne’ebé mak Governu prepara iha Metinaro.avi

Add to Comments Here!!!!

error: Content is protected.
Secured By miniOrange
You might also like:
MS mantein desizaun atu haloot mate-isin AB tuir protokolu OMS

Ministra Saúde, Odete Freitas Belo, deklara,...

Sérgio Lobo: Mate-isin COVID-19 bele hakoi iha kualker fatin

Eis Ministru Saúde, Doutor Sergio Lobo,...

Familia vítima uma kain 40 mak sei hela iha Dom Bosco

Diretór Sentru Formasaun Dom Bosco Komoro,...

Close