JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão apoia kaisaun ba matebian COVID-19

Xanana Gusmão apoia kaisaun ba matebian COVID-19

Líder Nasionál Kay Rala Xanana Gusmão, fó apoiu  kaisaun ida hodi haloot mate-isin, Olga Mendonça, ne’ebé mak mate ho COVID-19.

Matebian ho naran  Olga Mendonça  idade  61 hakotu iis iha Kinta (22/04/2021) mais ou menus tuku sia dadersan  oras Timor-Leste  iha sala izolamentu Verra-Cruz.

Tuir informasaun husi  João Mendonça, núdar  oan husi  matebian haktuir,  hafoin  rona abitante ida mate  ho COVID-19,   Xanana Gusmão,  sosa kaisaun ida lori ba iha rejidénsia matebian Olga Mendonça, iha  Aldeia Teca-Laran Suku  Lahane Osidentál Postu Administrátivu Verra-Cruz, Munisípiu Díli, hodi bele halot mate isin.

“Ami kontente teb-tebes, maske ami la hakbesik a’an ba  avo Nana, maibé  avo Nana intrese duni ba nia povu, ba ami  família ida ne’e”,esplika João Mendonça, núdar  oan husi  matebian, ba jornalista GMN Kinta (22/04/2021), iha resintu Izolamentu Verra-Cruz.

Matebian dadauk ne’e sei rai hela iha Sala Izolamentu Verra-Cruz,  no tuir informasaun husi Sentru Integradu Jestaun Krize,  iha Sesta  (23/04/2021) tuku hitu dadersan mak foin intrega mate isin ba família hodi lori ba iha Teca-Laran, Lahane Osidentál, iha matebian nia rejidénsia durante oras ida,  molok lori  ba halot iha semitériu  Becussi, maibé tuir protokolu Ministériu Saúde.

Antes ne’e Timor-Leste rejista ona kazu pozetivu Covid-19 ne’ebe mate ba dala uluk  matebian Francisca Gama  ho Matebian Armindo Borges iha fulan Abril ne’e, maibe antes ne’e matebian sira ne’e sofre ona moras komplikasaun.avi

Lee hotu :   TL tama risku ba rai nakdoko

Add to Comments Here!!!!

error: Content is protected.
Secured By miniOrange
You might also like:
Kazu vidru hakanek médiku iha Suai, FONGTIL dezafia MP investiga klean

Forum Organizasaun Naun Governamental Timor-Leste (FONGTIL)...

Benefisiáriu SB Suku Maskariñas konsidera kompañia Paratrizel halo diskriminasaun

Benefisiáriu Suku Maskariñas, lamenta ho item...

Fundu kontijénsia atinji tokon USD 70 bele atua situasaun kalamidade

Vise Ministra Finansas, Sara Lobo Brites,...

Close