JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana-Lere observa prosesu supa sai bee iha Lagoa Tasi-Tolu

Xanana-Lere observa prosesu supa sai bee iha Lagoa Tasi-Tolu

Xefe Estadu Maior Jenerál F-FDTL Tenente Jenerál, Lere Anan Timur, hasoru líder nasionál Kay Rala Xanana Gusmão, nu’udar mos eis komandante em xefe Falintil iha Lagoa, Tasi-Tolu, hodi haree diretamente servisu ne’ebé Xanana halo hamutuk ho kompañia sira supa bee iha Lagoa refere hodi soe ba tasi, atu nune’e komunidade sira bele fila-fali ba sira-nia uma hodi hela.

Iha observasaun, bee ne’ebé nalihun hodi tama to’o komunidade nia uma-laran  ne’e komesa tun, no hein katak iha tempu badak bee ne’ebé refere bele fila-fal ba normal hanesan bai-bain atu nune’e komunidade sira labele uza ona bero hodi transporta ba-mai.

Sorumutu Lere ho Xanana ne’e ba daruak, tanba antes ne’e, Lere hasoru Xanana iha fatin izolamentu Vera Cruz, hodi koalia ho sira-nia komandante iha tempu okupasaun Indonéziu ne’e atu lalika toba iha estrada-laran, tanba nia haree halo nia triste hanoin fali tempu iha ai-laran sei funu.

Tenente Jenerál Lere Anan Timor, iha Sesta (16/4/2021), ne’e ho deit kalsa-badak  observa direta Xanana ho nia ekipa ne’ebé halo hela esforsu hodi supa sai bee husi Lagoa Tasi Tolu.

Prezensa Lere nian ne’e iha Tasi-Tolu ne’e, hodi haree rasik ho matan Xanana ho nia ekipa ne’ebé la hatene kole hodi servi povu no rai doben Timor-Leste.

Entretantu Lere Anan Timur hamriik iha Xanana nia liman los hodi haree Xanana ne’ebé tur hela hodi akompaña ekipa tékniku sira monta hela mangeira supa bee nian.

Lere konsidera Xanana hanesan líder nasionál ne’ebe nia domin boot tebes ba povu iha tempu susar no terus nia laran no mos tempu independensia nia laran ne’e.

Lee hotu :   Vítima inundasaun Hera husu Governu fó apoiu ai-han

Antes ne’e Lere deklara, Xanana mak nia mestre no aman ba sira hotu ne’ebé iha ai-laran luta kontra okupasaun Indonéziu.

Komunidade  balu iha Tasi Tolu akompaña Xanana ne’ebé tun direta hodi leba mangeira hodi tau iha Lagoa Tasi Tolu atu bele supa be ne’ebé nalihun. Dadaun ne’e, bee iha Lagoa, Tasi Tolu, komesa tu’un ona.

Iha okaziaun ne’e mós, Xanana kontinua la’o ho bero haleu Lagoa Tasi Tolu, hodi haree kondisaun komundiade nian iha área refere.

Nune’e Xanana servisu to’o kalan boot hodi akompaña ekipa tékniku hodi supa sai bee husi Lagoa Tasi Tolu.GMN

 

Add to Comments Here!!!!

error: Content is protected.
Secured By miniOrange
You might also like:
Sosiedade Sivíl kondena membru PNTL no F-FDTL halo agresaun fizika ba kuarentenáriu sira

Sosiedade Sivíl (SS) kondena membru Polísia...

SEPS koopera ho família vítima inundasaun buka tuir mate-isin

Sekretaria Estadu Protesaun Sívil (SEPS), kontinua...

Embaixadór EUA ba TL ho Horta vizita Xanana iha Lagoa Tasi-Tolu

Eis Prezidente Repúblika, José Ramos Horta...

Close