GMN TV Regional Komunidade uma ka’in 34 suku Abat Oan asesu ona bee moos

Komunidade uma ka’in 34 suku Abat Oan asesu ona bee moos

0 views

Komunidade uma ka’in 34 husi suku Abat Oan, postu administrativu Barique-Natarbora, munisípiu Manatuto asesu ona bee moos. Bée mos ne'e komunidade sira asesu tanba liu husi kontribuisaun konsilleiru másimu partidu Khunto, José dos Santos Naimori Bucar, fó apoiu ba finanseiru (latemi númeru osan). 

Maski la sita montante orsamentu ba kanalizasaun, maibé ho rezultadu ne’ebé mak iha, Naimori ho nia ekipa halo ona inaugurasaun iha Sábadu loron 26 fulan Janeiru ne’e iha suku Abat Oan.

Naimori Bucar  hateten, apoiu kanalizasaun bee mos ne’e nu’udar realizasaun kompromisu ne’ebé mak  sira halo durante kampaña eleitorál  eleisaun parlamentar antesipada.

"Kuandu iha inisiu kampaña, hau koalia ona katak sei ajuda buat ruma ba povu kbit laek sira, tuir hau nia kbít. Hau mai atu hatudu ezemplu ba ita timoroan tomak, atu ema hotu bele hateke ba povu ninia susar, saida mak presija no nessesáriu atu halo ba povu," hateten konsileiru máximu partidu Khunto, José dos Santos Naimori Bucar.

xefe suku Abat Oan, feliciano da Costa Oliveira sente kontente no agradese ba lideransa másimu Khunto no nia promete sei orienta komunidade atu tau matan ba manutensaun.

"Hau hanoin katak, ba futuru hau sei orienta no koloka komunidade e liliu benefisiáriu atu haree ou tau matan, ezmplu karik iha fiu ou besi ruma mak áat, hau sei koalia ho kumunidade atu halo rasik manutensaun," hateten Xefe suku obat oan, Feliciano da Costa Oliveira.

José Paulo da Costa nu’udar benefisiáriu hateten, apoiu ne’e hanesna milagre ida ne’ebe komunidade sei la haluha.

"Hau sente haksolok tebes, ida ne'e la'os tanba koalia partidu politiku, maibe importante mak asaun ne'ebé maun Naimori halo ne'e, nesesáriu ba ami povu ki'ik sira, obrigadu ba maun Naimori," hateten benefisiáriu bée moos, José Paulo da Costa.

Enkuantu Naimori mós promete apoiu ne’ebé hanesan mós nia parte sei hala’o ba komunidade iha suku sira seluk. Ito


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker