GMN TV Regional LUGU promete sei lori dezenvolvimentu ba povu Oecusse

LUGU promete sei lori dezenvolvimentu ba povu Oecusse

0 views

Prezidente Autoridade Rejiaun Administrativa Espesial Oe-cusse Ambeno (RAEOA-ZEESM), José Luis Guterres ‘LUGU’ kompromete, sei lori dezenvolvimentu ba povu iha Su-Rejiaun Tolu iha Rejiaun Administrativa Espesial Oe-cusse Ambeno iha tinan 2020, mak hanesan, Sub Rejiaun Nítibe, Passabe ho Oesilo.

LUGU haktuir, hanesan prezidente Autoridade, nia sei habelar dezenvolvimentu RAEOA ba Sub-Rejiaun tolu ne’e, hodi responde populasaun sira-nia halerik kona bá estrada, eletrisidade no bee moos.

 “Orsamentu RAEOA ba tinan ne’e, sei la mai husi fundu mina rai, tanba sei iha saldo ne’ebé iha, ami sei utiliza saldo ne’ebé mai husi tinan sira uluk nian, tanba osan uluk nian ne’e saldo sei iha, tanba ne’e ami sei kontinua nafatin, ne’e uluk montante ne’ebé ita aloka ba iha Oe-cusse, ne’e sei iha restu, ne’eduni ami sei utiliza restu ne’e. Osan ne’e ba kontinuasaun obras ne’ebé balun hala’o tiha ona, no obras foun ne’e ami sei halo mak dezenvolve zonas rurais, no mós presiza bee ba Oe-cusse no Atauru. Osan ne’e husi uluk ita investe kuaze USD 700 milloens  ba Oe-cesse, tanba ne’e ita deskonta ho obra sira ne’ebé halo, hanesan Aeroportu, estrada, Portu edifísiu, maibé agora osan ne’e sei iha balun. Osan ne’e mak ami sei utiliza para halo programas foun, no sei kontinua mós programa ne’ebé hori uluk iha dadaun, ne’eduni ami tenke kontinua ida ne’e. Ami-nia orsamentu ne’e sei iha USD 126 milloens”, informa Prezidente RAEOA ne’e ba jornalista sira, hafoin audiensia ho deputadu sira iha PN, Tersa (07/01/2020).

Eis deputadu ne’e afirma, nia parte sei esforsu maka’as hodi buka investór nasionál no internasionál, hodi nune’e la depende de’it ba Orsamentu Jerál Estadu husi Governu.

“Osan ne’ebé aloka ba iha ita-nia Rejiaun Oe-cusse, ami sei benefísia hotu ba povu Oe-cusse. Governu sei la halo transferensia osan ba iha Oe-cusse, tanba saldo ne’e iha ona, nune’e ita labele gasta demais, tanba haree ba ita-nia fundu minarais. Ita ho osan ida ne’e bele senti katak, sufisiente, maibé kestaun prinsipal ba prosesu dezenvolvimentu ne’e mak, ita tenke haree ba setór privadu, nasionál no internasionál. Ita presiza lori investimentu mai iha rai Oe-cusse, para ita bele kria empregu, hodi nune’e ita labele hein de’it Estadu, tanba ne’e mak infra-estrutura ne’ebé ami sei kria iha ne’eba no balun kria tiha ona, hanesan infraestutra ba ICT, ida ne’e importante tebes ba dezenvolvimentu, internet ladi’ak ema la mai investe, tanba ne’e ami nia tim balun mai, ne’ebé envolve mós Oe-cusse oan, sei prosesa”, tenik LUGU.

Eis Ministru Negósiu Estranjeiru no Kooperasaun ne’e  informa, osan dollar amerikanu millaun USD 127 iha tinan 2020 ne’e,  kompostu husi bens servisu ho montante millaun USD14, saláriu vensimentu millaun USD 8 resin, kapital menor rihun USD 520 no kapital dezenvolvimentu ho montante millaun USD 100.say


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker