GMN TV Regional Timor-Leste fó solidariedade ba inséndiu iha Austrália

Timor-Leste fó solidariedade ba inséndiu iha Austrália

1 views

Timor-Leste (TL) liu husi Prezidente Repúblika (PR), Francisco Guterres Lú Olo fó solidaeridade ba nasaun Austrália ne’ebé kona inséndiu iha inísiu fulan Setembru tinan 2019, to’o inísiu tinan 2020 hodi rezulta ema no animal mate barak.

Tanba ne’e Timor-Leste nu’udar nasaun viziñu ho Austrália  triste tebes ho inséndiu ne’ebé refere.

“Tinan sanulu ona, Austrálianu  hamutuk 173 lakon sira-nia vida, tanba inséndiu ne’ebé akontese,  halo ami triste hanesan viziñu no amigu, ohin  ho laran kanek ha’u akompaña trajedia ne’ebé  estraga dala ida tan parte ida husi Austrália nian, husi imajen  sira ne’ebé ita haree liu husi komunikasaun sosial, ha’u haree katak, ema  sira tanis tanba lakon sira-nia kriatura, sira-nia vida tanba inséndiu” dehan Xefe Estadu iha Palásiu Prezidensial Nicolau Lobato Bairo Pité Díli, Tersa (14/01/2020).

Lú Olo salienta, nia  hamutuk ho ema sira ne’ebé lakon   sira-nia uma no riku soin,  ne’ebé sira hetan liu husi sira-nia esforsu no servisu  makas. Lú olo senti kanek bainhira haree matan been, liafuan, ho emosaun ne’ebé hatudu husi Austrálianu sira.

Tanba tuir dadus ne’ebé Austrálianu sira aponta katak, animal sira besik millaun 500 mate no ameasa Austrália nia biodiversidade ne’ebé mak riku tebes.

“Trajedia ida ho proporsaun hanesan ne’e, defisil tebes atu sukat,  husi tempu ne’e hotu ita pondera ba gravidade mudansa klimátika, ba desafiu ida hanesan ne’e ita uitoan tebes, hirak ne’e hotu  katástrofe fó mai ita oportunidade atu jere ita-nia parseria foun entre koñesimentu  tradisional no koñesimentu sira produs husi siénsia no teknolojia moderna, iha momentu  ida ne’ebé ita bo’ot sira-nia kanek no sofre hela lori ami Timor-oan sira no Estadu nia naran ami ko’alia no hato’o ami nia soliedariedade”, tenik Lú Olo.oly


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker