GMN TV Regional Folin foos sa’e iha Viqueque, Lautem no Baucau

Folin foos sa’e iha Viqueque, Lautem no Baucau

0 views

Governu liu husi Diresaun Nasionál Regulasaun Komersiál (DNRK) identifika folin foos sa’e iha munisípiu tolu hanesan Viqueque, Lautem no Baucau, tanba empreza importadór sira la autoriza distribuidór foos husi munisípiu hirak ne’e atu sosa direta foos iha empreza importadór sira.

Diretora DNRK, Manuela da Silva, hateten, sira deteta sasán folin sa’e ne’e hafoin simu orientasaun husi Ministru Turismu Komérsiu no Indústria (MTCI-sigla Português). Nune’e Diretora ne’e delega kedas ekipa tun ba iha terrenu hodi deteta katak sasán folin sa’e duni iha munisípiu tolu refere.

 “Horiseik (14-01) ami nia funsionáriu sira Xefe Departamentu na’in rua, ida desloka ba iha munisípiu Baucau no Lautem ida ba munisípiu Viqueque, katak loos realidade sasán folin sa’e, liu-liu foos folin sa’e uitoan. Razaun sira nian katak sira mai iha ne’e, sira la’ós sosa direta husi importadór sira, maibé sosa fali husi distribuidór lokál sira. Entaun sira ne’e hanesan segunda parte, entaun presu ne’e la normál ona. Tanba razaun ida tan katak sira mai parte importadór hateten, sira labele fó direta ba distribuidór munisípiu sira no sira tenke fó ba distribuidór lokál iha Díli laran, depois maka distribui fali ba. Entaun ida ne’e mak provoka nia presu ne’e hodi sa’e”, Diretora DNRK ne’e iha ninia kna’ar fatin Bebora-Díli, Sesta (15/01/2021).

Alénde foos, DNRK identifika sasán nesessidade bázika seluk sa’e iha munisípiu hitu seluk.

Manuela akresenta, empreza balun kontra lei númeru 4/2011, tanba bainhira kompañia sosa sasán iha Díli ba depois sira subar tiha sasán no sira akompaña situasaun ne’ebé ladún di’ak sira foin hasa’i sasán ne’e, hodi fa’an uitoan-uitoan no hasa’e nia folin. Nune’e Diretora ne’e konsidera katak aktu ne’e hanesan krime, tanba halo espekulasaun ba presu.

“Ami hetan orientasaun direta husi MTCI simu informasaun katak, iha munisípiu hira mak agora ne’e sasán folin sa’e, hanesan munisípiu Covalima, Bobonaro, Liquiça, Viqueque, Baucau no Lautem. Entaun loron hira ona ami nia ekipa sai para halo monitorizasaun ba iha presu sira ne’e para atu haree. Iha Bobonaro iha Domingo ne’e ha’u rasik to’o iha ne’ebá hamutuk ho ekipa. Iha Maliana iha Domingo ne’e ha’u rasik to’o iha ne’ebá, ami haree katak sasán nesesidade bázika sira, liu-liu folin foos klaru nia sa’e duni, maibé ami ba ho ami nia dadus ne’ebé katak, laiha razaun ba sira atu hasa’e sasán nia folin, tanba sasán stock iha armajen agora ne’e sei barak”, subliña Diretora DNRK ne’e.

Manuela promete iha semana ne’e nia-laran sei bolu importadór no distribuidór lokál sira, hodi husu loloos ba sira kona-bá prosesu distribuisaun foos ba munisípiu sira ne’ebé tenke liu husi distribuidór sira iha Díli laran. oct


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker