GMN TV Regional Governu garante konstrusaun Portu Tibar sei finaliza iha 2022

Governu garante konstrusaun Portu Tibar sei finaliza iha 2022

0 views

Vise Primeiru Ministru no Ministru ba Planu no Ordenamentu, José Maria dos Reis, informa, Governu garante prosesu konstrusaun ba Portu Tibar sei finaliza iha tinan 2022.

Nia haktuir mós katak, atu finaliza konstrusaun refere, tenke finaliza mós konstrusaun estrada, hodi fasilita servisu sira seluk, enkuantu orsamentu finalizasaun ba projetu ho modelu Parseria Públiku Privada (PPP) sei iha diskusaun nia-laran.

“Portu Tibar la’o dau-dauk no iha kondisaun lubuk ida mak ami tenke halo, ami halo ona reuniaun kona-bá ida mak estrada rotunda Nicolau Lobato ba to’o iha ne'ebá ne'e, ita hatene foin ho COVID ne'e Portu Tibar para tiha, suspende tiha, maibé agora sira kontinua fila-fali la’o ho ona planu ida ba 2022 para atu hotu”, José Reis hafoin halo enkontru regular ho Primeiru Ministru (PM), Taur Matan Ruak, iha Palásiu Governu, Segunda (11/01/2021).

Nia akresenta, dau-daun ne’e Governu mós prepara ona planu ba prosesu konstrusaun Aeroportu Nicolau Lobato Comoro.

“Prosesu la’o dau-dauk ona ho reasentamentu no ekipa ba reasentamentu ne'ebé halo servisu dau-dauk oinsa mak bele hasa’i ema husi ne'ebá no depois ho IFC oinsa mak bele servisu hamutuk ho finansiadór sira, oinsa mak atu fó ba ita no hanoin detalladu liu Ministériu Finansa halo hela enkontru ho finansiadór sira bele garante duni orsamentu ba rekualifikasaun Aeroportu Nicolau Lobato nian”, tenik Vise Primeiru Ministru no Ministru ba Planu no Ordenamentu ne’e.

Ministériu Planu no Ordenamentu mós kontinua koopera ho Terras Propriedade hodi halo levantamentu dadus ba komunidade ne’ebé hela iha área projetu, hodi hasa’i iha tempu ne’ebé presiza.

Orsamentu ba konstrusaun Aeroportu Nicolau Lobato ne’e rasik presiza orsamentu hamutuk USD tokon 480, ho nune’e Governu rasik empresta husi Banku Dezenvolvimentu Aziátiku hamutuk USD tokon 100 no Governu mós aloka ona orsamentu USD tokon 30 ba prosesu konstrusaun. ida


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker