GMN TV Regional Governu sei apoia foos ba RAEOA

Governu sei apoia foos ba RAEOA

0 views

Prezidente Autoridade Rejiaun Administrativa Espesiál Oe-Cusse Ambeno (RAEOA), Arsênio Paixão Bano, informa, Governu sentrál sei apoia foos tonelada 3.000 ba RAEOA, hodi asegura ai-han durante hasoru pandemia COVID-19.

Arsênio haktuir, maske Governu sentrál fó apoiu, maibé populasaun RAEOA mós tenke aprende poupa ai-han, tanba pandemia ne’e seidauk rezolvidu.

“Ami tenke prepara kondisaun ba hahan Oe-Cusse atu hetan 3 mill toneladas no ami prosesa hela, ne’ebé Governu sentrál aprova hahan ba Oe-Cusse, ami apelu ona ba populasaun Oe-Cusse labele hein de’it Governu sentrál ajuda ita, maibé ema hotu tenke komesa rai hahan, poupa hahan iha uma, tanba ita la hatene situasaun ne’e to iha ne’ebé?”, Prezidente RAEOA ne’e iha Palásiu Governu, Kinta (21-01-2021).

Arsênio esplika, antes ne’e tuir informasaun balun hateten iha Kefa, Atambua-Indonézia COVID-19 sei la tama no governadór Kupang ladún sériu no agora governadór ho nia Vise kona COVID-19, nune’e Oe-Cusse tenke aprende husi esperiénsia refere.

“Sira la anggap sériu ema 4 mate ona, sira nia ospitál la simu ema moras, Oe-Cusse lakohi ba situasaun ida ne’e, nia atu mai ou la mai ita tenke prepara”, tenik nia.

Pezidente autoridade RAEOA ne’e mós informa programa sesta bázika ne’e rasik seidauk bele implementa, tanba sei iha prosesu aprovizionamentu no nia espera Oe-Cusse-oan bele hetan oportunidade hodi manan tenderizasaun ba implementasaun programa refere.

“Sesta bázika la’o hela iha prosesu aprovizionamentu, tanba ami simu transferénsia terlambat, maibé ami hein produsaun la’o uitoan iha Oe-Cusse, tanba udan-been terlambat, maibé ami halo prosesu hela, balun dehan Díli mak atu halo prosesu ne’e iha Oe-Cusse, maibé husik sira Oe-Cusse tuir tender ema laiha mak Díli ba, kuandu hahan laiha mai buka iha Díli”, relata Arsênio.

Iha sorumutu ho Primeiru Ministru, Taur Matan Ruak. Xefe Governu apela ba populasaun RAEAO atu pasiénsia hodi koopera ho Governu no autoridade lokál, nune’e labele hamosu transmisaun lokál COVID-19 iha komunidade nia leet. ida


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker