Ministru Obras Publikas (MOP), Salvador S. dos R. Pires husu ba motorista sira atu labele ultrapassa mota kasnafar bainhira udan boot no volume mota maka’as ne’ebé fó perigu ba pasajeru sira.
“Motorista sira tenke iha konsiensia katak kuandu mota ho volume boo labele liu, no hanoin katak mota kuandu boot perigu tebes, ne’ebe labele obriga an hodi tama ba mota laran ikus mai fo risku ba pesajeiro nia vida”, apela Ministru Obras Publikas, Salvador S. dos R. Pires ba JNSemanário iha nia kna’ar fatin, Caicoli, Dili, (22/02/2019).
Governante ne’e relata, dadaun ne’e Governu tau ona prioriedade iha tempu konstoe ponte iha Mota Casnafa, maibe ekipa sei estabalese uluk dezeñu nune’e iha tempu badak sei estabelese ponte.
“Situasaun sira hanesan ne’e ita tenke halo asesmentu tanba estrada ne’e iha prosesu konstrusaun, ami buka hela rekursu tentativa husi poupança emprestimu sira ne’e hanoin katak estabelese ona dezeñu nune’e iha tempu badak halo ponte iha mota ulun”, dehan governante.
Membru governu nees mos afirma Governu labele taka provizorio dalan refere, maibe tempu udan motorista tenke iha konsiensia labele ultrapassa. Entretantu, iha Tersa (19/02/2019) Bis diresaun Suai-Dili mout iha Mota Casnafa, Comoro, resulta pasajeiru sira sai vitima ba akontesementu ne’e.
MOP preparadu hatán komunidade afetadu dezastre naturál
Ministerio Obras Publikas (MOP) preparadu atu hatan ba komunidade ne’ebe afetadu ba dezastre naturál iha tempu udan ne’e, tanba MOP establese ona brigada iha rejiaun haat iha teritóriu.
Brigada MOP iha rejiaun Leste konserta iha Munisípiu Baucau, iha rai klaran iha Postu Administrativu Natabora, parte Oeste iha postu administrativa Maliana, Municipiu Bobonaro no Brigada ida iha Dili, inklui ekipa rezerva.
“Ami kontenti tanba iha ministériu nia okos ne’e iha Instituto Gestão Ekipamentus ne’ebe mak estabelese ona brigada 4 iha iha parte leste iha Municipiu Baucau, iha rai klaran estabelese akapamentu iha Natarbora, Oeste nian iha Maliana no Dili rasik”, hateten Ministru Obras Publikas (MOP), Salvador Soares dos R. Pires ba JNSemanário iha nia kna’ar fatin, Caicoli, Dili, (22/02/2019).
Governante nee hatutan, ekipa sira ne’e hahu responde ona iha terenu relasiona ho akontesementu dezastre Naturál hanesan akontesementu iha Mota Malibaka, Postu Administrativu Maliana, Munisípiu Bobonaro, iha Atabae no Rairobu ekipa sira halo normalizasaun ba estrada kotu afeta husi dezastre naturál, dalan kotu iha postu administrativu Laclo, Municipiu Manatuto.
“Kuandu ami hetan informasaun husi komunidade hau nudar ministru hasai kedas depachu ba IGE imediatamente halo atuasaun. Governu lahein karta ofesial husi Komunidade, maibe informasaun verbal deit mos Governu bele halo intervensaun, tanba konsidera emergensia”, dehan Salvador S. dos R. Pires.
Nia esplika, dadaun ne’e ekipa husi MOP nian mos tun ba terenu hodi hamos baleta ne’ebe maka nakonu ho foer nune’e labele kontinua mosu inundasaun, area hirak ne’e hanesan Bairo-pite, Caicoli, Hudi-laran no fatin seluk ne’ebe maka risku ba inundasaun. Entretantu, bainhira udan boot mosu dezastre naturál tantu iha kapital Dili, to’o area remotas afeta ba komunidade. mia
