GMN TV Regional Tarde aprezenta relatóriu, PN bolu autoridade RAEOA

Tarde aprezenta relatóriu, PN bolu autoridade RAEOA

0 views

Parlamentu Naisonál (PN) liu hosi komisaun C ne’ebé trata finansa públika, konvida autoridade Rejiaun Administrativa Espesiál Oe-Cusse Ambeno (RAEOA) hodi hato’o justifikasaun, kona-bá relatóriu ezekusaun orsamentu ka konta jerál tinan 2019 nian ne’ebé aprezenta ba Tribunal das Contas tarde.

Adjunta Prezidente Autoridade RAEOA, Leonia Monteiro, hatete, aprezentasaun relatóriu ezekusaun ba Tribunal das Contas tarde, tanba mudansa polítika ka impase polítiku ne’ebé akontese, hodi implika rotasaun ba estrutura RAEOA.

“Ami mai aprezenta relatóriu konta jerál 2019 ba RAEOA nian, ne’ebé mak ami aprezenta tiha ona ba Tribunal das Contas iha 2019, orsamentu ne’ebé aloka ba RAEOA USD 76 milloens, ne’ebé mak ami ezekuta iha RAEOA, ohin ami mai responde ba dúvida sira ne’ebé mak deputadu sira iha PN iha. Ezekusaun sira ne’e ami halo ona relatóriu ba Tribunal das Contas iha dia 1 de Setembro 2020, ba relatóriu 2019 nian, maibé tuir loloos dia 30 de Maio entrega ona relatóriu ba Tribunal das Contas. Maibé ami entrega relatóriu ne’e tarde uitoan, tanba ami-nia razaun mak iha 2019 mai ne’e iha mudansa ba lideransa ne’ebé mak akontese, Dr. Marí Alkatiri ne’ebé nia mandatu remata iha 30 de Julho 2019”, justifika Leonia Monteiro ba jornalista sira hafoin audénsia ho komisaun C, Kinta (04/02/2021).

Leonia esplika, iha tempu ne’ebá sira entrega ona relatóriu hosi loron 1, fulan Janeiru to’o 30 fulan Jullu, tinan 2019, relatóriu ezekusaun prestasaun servisu ne’e entrega ba Tribunal das Contas, maibé falta de’it fulan 4 nian ne’ebé tenke halo kompleta ba tinan 1.

“Depois ne’e mandatu troka fali ba José Luis Guterres, nia iha tan tempu fulan 4 nia laran, atu bele entrega iha 30 de Maio 2020, maibé momentu ne’ebá, la konsege entrega relatóriu ne’e ba Tribunal das Contas, to’o mandatu foun fali Arsênio Bano, ne’ebé ha’u mós sai hanesan adjunta, ami simu fali karta ida hosi Tribunal das Contas, iha dia 10 de Agosto 2020”. Entaun hosi ne’e, iha fulan ida ne’e kedas ami halo relatóriu 2019 nian, ami entrega fali iha Setembru, tanba iha mudansa polítika, maibé ami konsege entrega ami nia relatóriu”, esplika Prezidente Autoridade RAEOA ne’e.

Maske durante ne’e, Ezekusaun Orsamentu RAEOA la tama iha free balance, maibé adjunta ne’e informa, iha Orsamentu jerál Estadu tinan 2021 ne’e, relatóriu ezekusaun sei tama iha free balance.

Iha tinan 2019, RAEOA hetan alokasaun osan hamutuk tokon USD 76 hosi Orsamentu Jerál Estadu 2019 ho montante billiaun USD 1.482 ne’ebé konsege promulga hosi Prezidente Repúblika (PR).

Hafoin veta proposta inísiu ne’ebé Governu aprezenta no aprova dahuluk hosi PN ho montante billiaun USD 2.1. say


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker