GMN TV Regional Rai-halai taka estrada Díli-Covalima

Rai-halai taka estrada Díli-Covalima

0 views

Udan bo’ot iha Domingu (17/03/19) tuku  1 to’o 3  madrugada   oras Timor-Leste,  fó impaktu ba erozaun rai halai,  iha  Adeia Belavista Lahane  Oriental, Postu Administrativu Nai-Feto,  Munísipiu Díli hodi halo sirkulasaun transporte  públiku liu husi área refere ba Munisípiu Aileu, Ainaro, Same no Covalima susar tebes.

Rai halai  husi   Aldeia   Belavista  afeta to’o Aldeia Vale Lahane  Oriental,  Postu Administrativu Nai-Feto Munísipiu Díli,   hodi estraga komunidade nia uma kain lima  iha fatin refere.

Xefe Aldeia Aldeia Vale Lahane,   Herman de Araújo Magno, hateten,  dezastre naturais ne’e akontense, tanba impaktu husi komunidade komportamentu tesi ai arbiru no la kuda fali, avondona rai mamuk de’it mak halo rai halai.

“Ha’u nia uma komunidade  iha Aldeia Vale uma kain lima mak afetadu, tanba ne’e husu ba Ministério Obras Públika atu  mai hasai tiha tahu dodok ne’e atu nune’e be’e bele halai tuir nia dalan”, esplika Xefe Aldeia Aldeia Vale Lahane   Herman de Araújo Magno, ba GMN Domingu  (17/03/19) iha Aldeia Vale Lahane.

Iha fatin hanesan  vítima inundasaun, Clara do Carmo,  husu Ministériu Obras Públikas,  atu mobiliza ekipamentu hasai tiha tahu ne’ebé taka metin  valeta.

“Ami la husu buat ida, maibe ami husu de’it Governu atu haruka eskapator ruma mai hasai tiha tahu ne’e   ne’ebé mak afeta ba ami ninia uma,  se lae akontese udan tan udan ami nia um abele hetan estragus”,dehan  Clara do Carmo.

Vise Ministru Obras Publika Nicolau Lino Belo,  tun diretamente  ba  fatin akontese rai halai, hodi mobiliza ekipamentu pezadu  husi Institutu Jestaun Ekipamentu (IGE-Sigla Portugés) hanesan loader,  eskavador  hodi suru rai ne’e.  Governante ne’e garante rai ne’e sei suru hotu iha  Segunda (17/03/19).

“Ita orienta ona mákina sira   ne’ebé mak iha hodi hasai rai ten sira hodi fila-fali ba normal atu nune’e ita nia transporte husi Aileu, Ainaro, Same no  Covalima,  ninian bele mai Díli, nune’e husi parte Díli  bele ba iha Munisípiu hat ne’ebé mak ha’u koalia”,dehan  Nicolau Lino Belo.

Entretantu iha akontese rai halai  komunidade rezulta vitima ruma kanek,  maibe uma kain lima iha Aldeia Vale Lahane evakua sira ninia sasan uma laran ba fatin seguru.avi


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker