GMN TV Regional Bispu Dioseze Maliana inaugura edifísiu ISC Maliana

Bispu Dioseze Maliana inaugura edifísiu ISC Maliana

0 views

Iha Sabadu loron  (27/04), Bispo Diocese Maliana Don Norberto do Amaral inaugura edifísiu Institutu Superior Cristal (ISC), iha Munisipiu Bobonaro iha Aldeia Solugolo, Suku Holsa, Postu Administrativu Maliana Vila.

Hafoin inaugura,  Bispo Diocese Maliana, Don Norberto do Amaral,  agradese ba Fundasaun Cristal,  tanba bele fasilita Diocese Maliana hodi harie ensinu superior ne’e, atu forma ema sai sidadaun ne’ebé kualifikadu, hodi kontribui ba dezenvolviemntu nasaun.

“Ho prezensa  Instituto ne’e, kontinua dezafia fundasaun Cristal atu habelar nia Instituisaun iha Munisípiu hotu iha teritóriu Timor laran tomak, nune’e bele redus númeru dezempregu ne’ebé kada tinan sempre aumenta”,  hateten Don Norberto do Amaral  iha nia diskursu ba seremónia inaugurasaun ne’e.

Don Norberto senti orgullu, ho fundasaun Cristal ne’ebé hetan espirasaun hodi lori relijiaun Katólika nian,  bele implementa iha Timor-Leste,

“Sei  ita hotu mak implementa legu ho fundasaun ne’e, Diocese lalika loke tan ona eskola katólika barak iha Timor-Leste”, hateten Don Norberto.

Iha aftin hanesan, Prezidente Ezekutivu Fundasaun Cristal, Agustnho dos Santos Goncalves, afirma,  implementasaun ensinu superior cristal iha Munisípi Bobonaro ne’e, ho objetivu atu lori edukasasaun hodi hakbesik ba komunidade sira ne’ebé iha área rural,  nune’e bele asesu edukasaun iha nivel universitáriu, tanba edukasaun mak sai hanesan xave ba dezenvolvimentu nasional.

Nune’e mós Sekretáriadu Autoridade Munisípiu Bobonaro, Julio Cairo Carvalho hateten, sira prontu atu kolabora ho Instituto Cristal,  tanba hatudu ona ninia kualidade di’ak iha parte Lingua ho Matemátika.

Partisipa iha seremónia ne’e, Amu Bispo Diocese Maliana, Amu Paroku Maliana, Autoridade lokal, no komunidade iha área refere.

Entretantu, edifísiu ho médida metru 336 ne’e, kompostu  husi sala neen (6), ho fasilidade  ne’ebé sufisiente ona ba prosesu aprendisazen ensinu Superior  Cristal.

I SC  habelar edukasaun ba komunidade iha área rural

Alende ne’e, Dekanu Cristal, Jacinto de Oliveira  Junior  esklarese, Ensinu Superior Cristal ne’ebé hari’i iha Munisípi Bobonaro ne’e,  atu lori edukasasaun hodi hakbesik ba komunidade sira ne’ebé iha área rural.

“Ho prezensa Instituto Superior Cristal, bele habelar edukasaun iha nivel universitáriu,  tanba edukasaun mak sai hanesan xave ba dezenvolvimentu nasional.  Tanba ne’e presiza tebes atu hakbesik povu iha área rural sira, nune’e povu nia oan bele asesu edukasaun, tanba durante ne’e eskola ensinu superior  sira hari’i de’it iha nasional, ne’ebé povu kbi’it la’ek nia oan sira ba eskola presiza buka orsamentu bo’ot, hodi selu transporte, selu kos selu eskola nian. Ne’eduni ho prezensa  Intituto Superoir sira iha Maliana, bele ona hamenus preokupasaun povu iha área rural sira”, hateten Jacinto de Oliveira.

Nia haktuir, Instituto Superior Cristal oras ne’e dadun hetan ona Akreditasaun husi Ministériu Edukasaun, Diresaun AAN, entaun ho prezensa Instituto Cristal iha  Maliana ne’e, bele mós dezenvolve área edukasaun iha futuru ho di’ak liu tan.

Nune’e mós Superintendente  Diresaun Edukasaun Munisípiu Bobonaro, Cornelis Mau Sesta, rekomenda ba Amu Bispo atu diside lolos para fundasaun ne’e halo ketak, nune’e bele hetan apoiu husi Governu .

Dadaun ne’e Instituto Superior Cristal hari’i ona iha Munisipiu  hitu (7), hanesan Bobonaro, Baucau, Covalima, Aileu, Same,  no Rejiaun Administrativa Espesial Oe-cusse Ambeno.

Enkuantu prosesu aprendizasen ISC ne’e, sei hahú iha tinan 2020.aba


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker