GMN TV Politika Governu seida’uk fihir figura foun troka Marí Alkatiri

Governu seida’uk fihir figura foun troka Marí Alkatiri

0 views

Lidera Zona Ekonomia Espesial Sosial Merkadu (ZEESM) iha Rejiaun Administartiva Espesiál Oekusi – Ambeno (RAEOA), Governu seida’uk iha desizaun nomea kandidatu foun troka Marí Alkatiri.  

Primeiru Ministru, Taur Matan Ruak, koalia asuntu ne’e ba Jornalista sira wainhira responde perguntas konaba figura foun Troka Mari Alkatiri lidera RAEOA.

Antes ne’e, Marí Alkatiri hateten, sei foti desizaun iha fulan Maiu tinan ne’e, kona-ba kontinua lidera ka lae, ZEESM iha Rejiaun Administrativa Espesiál Oekusi Ambenu (RAEOA).

Mandatu u’udár, Prezidente ZEESM no RAEOA ne’ebé sei remata iha fulan Jullu tinan ne’e no Mari Alkariti sei entrega desizaun tomak ba Primeiru Ministru no Prezidente Repúblika.

Xefe Governu Taur Matan Ruak hateten, kandidatu ne’ebe atu lidera ZEESM no RAEOA to’o oras ne’e Governu seda’uk diskuti nomea kandidatu foun.

“Por-enkuantu ami sedauk diskuti provalmente mais to’o tempu nain hira sei hatene, imi sei hatene,” deklara, Xefe Governu Taur Matan Ruak, ba Jornalista sira iha palasio prezidensial Nicolau Lobato, horbainruak.

Xefe Governu ne’e dehan, kona-ba avaliasaun jeral ba dezemvolvimentu iha ZEESM no RAEOA diak, maibe, komunidade barak manifesta sira nia deskonetente ba projetu ZEESM ne’ebe mak hala’o iha RAEO-A.

“Diak, iha defikilulidade iha ne’eba que populasaun sira manifesta deskontentemente uluk ha’u prezidenti hau alerta ba ida ne’e, agora iha, kontinua iha mas naturalmente iha ne’eba iha prezidenti autoridade iha kontijenti ida ne’e iha nia hatene realidade moris hau espera katak kestaun sira ne’e ita ultrapasa iha tempu oin mai,” hateten, PM Taur Matan Ruak.

Antes ne’e, Prezidenti Repúblika Francisco Guterres Lú Olo hateten, figura ne’ebé mak atu lidera fali Zona Ekonomia Espesial Sosial Merkadu ka ZEESM no Rejiaun Administartiva Espesiál Oecusse Ambeno tenke ema ne’ebé iha kapasidade.

Mari Alkatiri hetan fiar husi Estadu Timor Leste hodi lidera ZEESM no RAEOA, hetan posse iha tinan 2014 husi eis Prezidente Repúblika atual Primeiru Ministru Taur Matan Ruak.

Nune’e, Mari Alkatiri kontinua servisu tanba mandatu seida’uk termina bazeia ba lei númeru 3/2014, ne’ebé aprova ho unanimidade husi órgaun legislativa datoluk no hetan promulgasaun husi Prezidenti Repúblika Taur Matan Ruak iha tempu ne’ebá. Eus 

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker