Konsellu Ministru aprova proposta deliberasaun kona-ba alterasaun husi kontratu prestasaun servisu sira konsultóriu nian ba supervizaun obra manutensaun no hasa’e kualidade estrada nasionál sira iha teritóriu Timor-Leste.
Konsellu Ministru aprova revizaun kontratu ho objetivu atu ajusta servisu husi supervizaun obra ba ekstensaun presu ne’ebé aprova antes ona. Proposta ne’e hetan aprovasaun husi Konsellu Ministru, maibe ho kondisaun atu hetan pareser favóravel husi Ministeriu Finansas nian no mós vistu préviu husi Kamara Kontas nian.
“Proposta ida ne’e hetan aprovasaun husi Konsellu Ministru ,maibé ho kondisaun atu hetan pareser favóravel husi Ministériu Finansas nian no mós vistu préviu husi Kamara Kontas nian”, dehan Ministro Presidência Conselho Ministros Agio Pereira, ba Jornalista sira iha Palasiu Governu Kuarta (10/04).
Deliberasaun ne’e ba servisu husi konsultóriu ba estudu ne’ebé klean husi enjeñaria no supervizaun husi obra ba trosu estrada Manatuto-Natarbora, Manatuto-Laklubar, Tasi Tolu-Tibar, Tibar-Likisa, Tibar Gleno, Maubara Karimbala, Baukau-Lautém, no Atabae- Mota –Ain.
Iha biban ne’e Konselu Ministru mos aprova proposta deliberasaun Konsellu Ministru ne’ebé aprezenta husi Ministra Solidaridade Sosial no Inkluzaun, Armanda Berta dos Santos konaba programa kooperasaun setorial entre Ministeriu Traballu Solidaridade no Seguransa Sosial Portugal no Ministeriu Solidaridade Sosial no inklusaun Timor-Leste ba periodu tinan 2019 to’o 2022.tos
