GMN TV Justica e Segurança Lakohi repete masakre sira pasadu nian, AJAR husu Estadu labele diskrimina vítima sira

Lakohi repete masakre sira pasadu nian, AJAR husu Estadu labele diskrimina vítima sira

0 views

Diretur Ezekutivu Asia Justice and Right (AJAR), José Luis Oliveira hateten, mate restu masakre Liquiça, tenki konsidera masakre ne’e hanesa lisaun, atu hadia no kura pasadu ne’ebé nakukun, ba mate restu  sira ne’ebé hasoru iha tempu ne’eba.

“Sé ita hakarak hakat ba oin, no lakohi repete buat  pasadu, maka bainhira ita loke ita-nia pasadu, ne’e labele loke sorin de’it, fó atensaun ba sorin de’it, nune’e bainhira ita hakat ba oin, ita fó vantazen, urgullu, no valorizasaun ba ema sorin de’it, depois ita fila repete nafatin sosiedade ida ne’ebé la’o la justu, no la hanesan, presiza mós tempu atu kompriende ita-nia pasadu ne’e oinsa?”, katak José Luis Oliveira iha nia palestra ba partisipante sira iha Semináriu Nasional Komemorasaun tinan 20 Masakre Liquiça tinan  1999, Kinta (05/04/2019) Iha Munisípiu Liquiça.

José Luis Oliveira haktuir, tinan 24 Indonézia invade no okupa Timor, halo violasaun oin-oin, maibé pasadu ida ne’e, la’o domina  de’it ho ida ne’e, pasadu hahú kedan tinan 1974 guerra sivíl, iha ne’e iha akontesimentu barak, iha akontesimentu nakukun ne’e, iha organizasaun rezisténsia.

“Agora ita hakat ba oin, ita tenki hatu’ur buat sira ne’e ho lolos no iha nia fatin, tenki iha korajen atu foti lisaun, tenki iha korajen no iha vontade hodi kura hadia buat sira ne’e, labele ita hakarak ba oin, obriga ema atu haluha, ignora buat sira ne’ebé nakukun, akontese husi ita, depois ita iha tendénsia mora ne’e sempre mosu nafatin”, katak Diretur AJAR ne’e.

Tuir José Luis Oliveira, bainhira kuandu to’o  eleisaun, sei tarata malu nafatin,  fila hatete malu at nafatin, la eleisaun grupu sira ne’e tuda malu no oho malu nafatin, ema hotu tenki foti ne’e hanesan lisaun, tambsa mak maun alin oho malu?.

“Ida ne’e tinan 20 ona, ita ukun aan ona, tuir lolos, ita tenki tama ona faze maturidade, moris iha nasaun ida, tenki hatene simu diferensia, no hatene respeita diferensia, ne’e konsikuensia tanba durante ne’e, balun mai ho polítika ne’ebé halo ita haluha tiha atu halo buat balun, husi prespetiva direitu umanus, ita bele dehan katak, direitu humanu tinan 25, sura husi 1974, akontese violasaun direitu humanus grave”, relata José Luis Oliveira.oly


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker