GMN TV Regional Líder komunitária preokupa ho kondisaun estrada Bobonaro

Líder komunitária preokupa ho kondisaun estrada Bobonaro

0 views

Líder Komunitária no komuidade iha Postu Administrativu Bobonaro, preokupa ho  kondisaun estrada ligasaun Postu Adminitrativu refere ba Munisípiu Bobonaro, tanba susar  atu asesu ba transporte públiku.

Alende implika komunidade sira   atu asesu  ba transporte públiku, kondisaun estrada refere mós, implika komunidade sira husi Suku no Aldeia atu partisipa seremonia importante ruma  iha Postu Administrativu no Munisípiu.

“Kondisaun estrada mak ita bo’ot (jornalista) sira haree rasik ho matan, estrada  át tebes,  proposta ami autoridade lokal hamutuk ho komunidade sira hato’o fila-fila, maibé seidauk iha resposta, no tuir informasuan tinan ne’e sei hetan rehabilitasaun, mas seidauk hatene los”, informa Administrador Postu Administrativu Bobonaro,  Rui Barros ba  GMN  foin lalais ne’e, iha  Bobonaro.

Rui Barros haktuir, estrada ligasaun entre Postu Administrativu ho Munisípiu refere, halo desde tempu Portugés, no to’o agora seidauk hetan rehabilitasaun,  hodi difikulta movimentu transporte públiku no movimentasaun komunidade.

Iha fatin hanesan, komunidade  Suku Kota Bo’ot, Postu Administrativu Bobonaro, Januario Maia mós relata, kondisaun estrada refere  hamosu preokupasaun bo’ot, tanba  tinan-tinan aumentaát ba bebeik.

“Kondisaun estrada ne’e preokupasaun bo’ot ida ba ami, tanba  bainhira iha seremonia ruma iha Munisípu, ita atu ba partisipa mós hanoin barak, no la ba, tanba  se ita ba kareta mós laiha, ami sempre la’o ho ojek, maibé ida ne’e mós susar bo’ot, tanba estrada hanesan ne’e”, afirma Januario.

Entretantu, Prezidente Autoridade Munisípiu Bobonaro, Jeferino Soares dos Santos, rekunese, kondisaun estrada  refere kondisaun át duni,   no nia  hato’o ona proposta ba Ministériu relevante atu tau matan ba situasaun ne’e.

Jefarino afirma,  tuir planu, tinan ne’e  estra ligasaun entre Postu Administrativu Bobonaro  ba Munisípiu sei hetan rehabilitasaun.

“Kondisaun estrada ne’e la’os preokupasaun komunidade sira nian de’it, ami hotu preokupa, no proposal ami hotu halo ba iha nasionál, tanba ita hotu hatene, estrada Munisipal no estrada urbana, estrada nasional ne’e, responsabilidade Obras Publikas nian, maibé ami lider komunitária no lider Munisipal nian, hamutuk ho komunidade kontinua hato’o ami nia proposta, ne’ebé tuir planu estrada balun tinan ne’e atu rezolve ona ho programa esterada rurais, hanesan husi Munisípiu Bobonaro nian sei hetan rehabilitasaun iha tinan ida ne’e. Ha’u haree ona iha lista Obras Publika nian ne’ebé mak kooperasaun ho ILO, ne’ebé tinan ida ne’e halo ona”, hateten Jeferino Soares Dos  Santos.

Tuir Jefarino, nia ho komunidade sei la nonok, maibé sei tenta nafatin to’o estrada iha Munisípiu refere hetan hotu rehabilitasaun.

Total populasaun  ne’ebé mak  asesu ba estrada refere hamutuk rihun rua nolu resin sia, husi Suku sanolu resin walu, no Aldeia nen nolu resin tolu.ola


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker