GMN TV Capital TL sei rejista Tais iha UNESCO internasionál

TL sei rejista Tais iha UNESCO internasionál

0 views

Atu proteje, prezerve no promove tais dalan ba rekoñesimentu husi United Nations Education Sientific and Cultural Organization (UNESCO), hodi sai patrimóniu kultural immaterial, Sekretaria Estadu Arte no Kultura ( SEAK) servisu hamutuk ho UNESCO realiza semináriu durante loron ida, hodi tau ídeia hamutuk oinsa rejista tais Timor iha UNESCO Internsionál hodi sai hanesan patrimóniu mundial Timor-Leste.

Sekretáriu Estadu Arte no Kultura, Teófilo Caldas, hatete Timor-leste iha objetu kultural barak maibé hili tais mak reprezenta património kultural no immaterial ba UNESCO hodi sai hanesan identidade Timor-leste iha UNESCO Internasional.

“ Ita seidauk deside dehan tais husi Munisipiu ne’ebé mak bele ba regista iha UNESCO hodi sai hanesan património kultural,maibé importante mak tenke priense rekezitus ne’ebé mak UNESCO prepara hanesan, tais ne’ebé kuaze iha TL,” dehan  Sekretáriu Estadu Arte no Kultura, Teófilo Caldas, ba Jornalista sira tersa (23/04/2019) iha salaun João Paulo Komoro Díli,

SEAK, hakuir tais ida seluk mak Timor-leste ho Indonezia hadau malu hela, entaun ho prinisipiu TL nafatin defende katak, tais ne’ebé iha husi TL mak lori ba Indonezia tamba ne’e ita mak tenke lori regista iha UNESCO.

“ Ha’u seidauk bele deside tais husi Munisipiu ida ne’ebé mak sei ba regista, tamba ekipa sei halo diskusaun hodi deside tais ida ne’ebé mak sai no reprezenta identidade Timor nian ba iha UNESCO Internasional.” afirma  SEAK Teófilo Caldas.

Nune’e mos, Sekretária Ezekutiva UNESCO ba TL, Cedelizia dos Santos, haktuir tais ne’ebé atu ba registu iha UNESCO mak tais ne’ebé ameasadu hanesan, iha Fronteira iha Munisipiu tolu Covalima Bobonaru no Regiaun Admistrativa Espesial Oe-cusse Ambenu, ne’ebé hanesan ho Indonezia.

“ Ida ne’e mak ita tenke tau prioridade hodi ba registu uluk iha UNESCO hodi rekonesimento lalais atu TL bele sai nain ba tais, entaun ami estabelese ona komite ida ne’ebé komesa aban hahu enkontru hodi kria planu ba tinan ida ne’e, no sei koalia ho inan soru nain sira para bele deside hamutuk tais modelu ida ne’ebé mak bele lori ba registu.” dehan Sekretária Ezekutiva UNESCO ba TL.

Cedelizia dos Santos, sublina prosesu atu lori tais ba regista SEAK sei lori ba Konselho Ministru hodi hetan aprovasaun nasional hafoin lori ba UNESCO atu halo registu, no ami nia espetativa ne’e iha tinan oin 2020 ita bele ba registu ita tais iha UNESCO.

 “ Agora dadauk iha hela prosesu atu foti modelu tais ida ne’ebé mak bele ba registu tamba kada munisipiu laos iha tais modelu ida, entaun ami bazea fali ba kriteria ne’ebé UNESCO fo no karik tais ne’ebé iha mak priense duni kriteria husi UNESCO nian entaun tais ne’e mak sei ba registu hodi sai hanesan património kultural imaterial iha UNESCO Internasional.” Fel


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker